Home » आंतरराष्ट्रीय, आशिया, छायादालन, ठळक बातम्या » बलुचिस्तानमध्ये जाळला पाकचा झेंडा

बलुचिस्तानमध्ये जाळला पाकचा झेंडा

=भारताच्या समर्थनार्थ नारेही लागले=

Afghan protesters burn a Pakistan flag during a demonstration in Asad Abad, the capital of Kunar province on May 14, 2013. Hundreds of residents of Kunar province from different districts protested against rocket attacks from Pakistan into Afghanistan. AFP PHOTO/ Noorullah Shirzada (Photo credit should read Noorullah Shirzada/AFP/Getty Images)इस्लामाबाद, [२० ऑगस्ट] – पंतप्रधान नरेंद्र मोदी यांनी स्वातंत्र्यदिनी आपल्या भाषणात बलुचिस्तानमध्ये पाकिस्तानी सैनिकांच्या अत्याचाराचा मुद्दा उपस्थित केल्यानंतर या प्रांतात उत्साह निर्माण झाला आहे. शुक्रवारी सायंकाळी बलुचिस्तानच्या सीमेवर शेकडो नागरिकांनी पाकिस्तानच्या ध्वजाची होळी करतानाच भारताच्या समर्थनार्थ जोरदार घोषणाबाजी केली.
पाकच्या सैनिकांनी शुक्रवारी या सीमावर्ती भागातील अफगाण नागरिक आणि बलुविस्तानच्या प्रवेशद्वारावर हल्ला करण्याचा प्रयत्न केला. त्यानंतर संतप्त नागरिक रस्त्यावर उतरले आणि अफगाणिस्तानला जोडणार्‍या सीमेवरील एक मार्ग बंद केला.
पाकमधील आघाडीच्या डॉन या दैनिकाच्या वृत्तानुसार, अफगाणिस्तानचा ९७ वा राष्ट्रीय दिन साजरा करण्यासाठी शेकडो अफगाणी नागरिक बलुचिस्तानच्या चमन भागातील फ्रेण्डशिप गेटजवळ एकत्र आले होते. त्यांच्याकडे असलेल्या फलकांवर पाकविरोधी घोषणा लिहिल्या होत्या. या लोकांनी पाकविरोधात नारेबाजी करीत दगडफेकही केली. गेटच्या दुसर्‍या बाजूला काही पाकिस्तानी नागरिकही होते. त्यांच्यातील एकाच्या हातातून या आंदोलनकर्त्यांनी पाकचा ध्वज हिरावला आणि आगीच्या हवाली केला. या घटनेनंतर पाकच्या सैनिकांना पाचारण करण्यात आले होते. मुख्य गेट बंद करण्यात आल्याने वाहनांच्या लांबचलांब रांगा लागल्या होत्या.
सूत्रांच्या मते, पंतप्रधान नरेंद्र मोदी यांनी बलुचिस्तानचा उल्लेख केल्यानंतर पाकमध्ये या वक्तव्याचा तीव्र निषेध करण्यात आला होता. त्यामुळे संतप्त झालेल्या या नागरिकांनी पाकचा झेंडा जाळून भारताच्या समर्थनार्थ नारेबाजी केली.

Short URL: https://vrittabharati.in/?p=29232

Posted by on Aug 21 2016. Filed under आंतरराष्ट्रीय, आशिया, छायादालन, ठळक बातम्या. You can follow any responses to this entry through the RSS 2.0. You can leave a response or trackback to this entry

Leave a Reply

Enable Google Transliteration.(To type in English, press Ctrl+g)

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in आंतरराष्ट्रीय, आशिया, छायादालन, ठळक बातम्या (114 of 2483 articles)


=बलुच सोडून भारतात आलेल्या मजदकचा संताप= नवी दिल्ली, [२० ऑगस्ट] - बलुचिस्तानमध्ये पाकिस्तानी सैनिकांच्या अत्याचारामुळे देश सोडून भारतात आलेल्या मजदक ...

×