Home » ठळक बातम्या, राष्ट्रीय, संसद » केंद्रीय मंत्रिमंडळाचा विस्तार पुढील आठवड्यात

केंद्रीय मंत्रिमंडळाचा विस्तार पुढील आठवड्यात

sansad-topनवी दिल्ली, [१६ जून] – पुढील आठवड्यात केंद्रीय मंत्रिमंडळाचा बहुप्रतीक्षित विस्तार होण्याची शक्यता आहे. या विस्तारात काही नव्या चेहर्‍यांचा मंत्रिमंडळात समावेश होऊ शकतो, तर काही जणांना वगळले जाण्याची शक्यताही नाकारता येत नाही.
अलाहाबाद येथे झालेल्या भाजपा राष्ट्रीय कार्यकारिणीच्या बैठकीत मंत्रिमंडळातील आणि पक्षसंघटनेतील फेरबदलाचे संकेत मिळाले होते. उत्तरप्रदेशात पुढील वर्षी होणारी विधानसभा निवडणूक आणि आसाममध्ये झालेल्या विधानसभा निवडणुकीत भाजपाला मिळालेल्या यशाचे प्रतिबिंब मंत्रिमंडळ विस्तारात उमटू शकते. म्हणजे उत्तरप्रदेश आणि आसाममधून काही चेहर्‍यांचा मंत्रिमंडळात समावेश होऊ शकतो. मंत्रिमंडळातील काही जणांना पक्षसंघटनेत जबाबदारी दिली जाण्याचीही चर्चा आहे.
मंत्रिमंडळाच्या विस्तारासाठी केंद्रीय मंत्रिमंडळाच्या सचिवालयाने १९ ते २१ जूनच्या दरम्यान राष्ट्रपती प्रणव मुखर्जी यांची वेळ राष्ट्रपती भवनाकडे मागितल्याने आज राजधानीत मंत्रिमंडळ विस्ताराच्या चर्चेला पुन्हा गती मिळाली आहे.
राष्ट्रपती प्रणव मुखर्जी सध्या विदेश दौर्‍यावर आहे. ते १८ जूनला मायदेशी परणार आहेत. त्याचप्रमाणे पंतप्रधान नरेंद्र मोदी २३ आणि २४ रशियाच्या दौर्‍यावर जाणार आहेत. त्यामुळे १९ ते २२ जून या दरम्यान मंत्रिमंडळाचा विस्तार होण्याची चर्चा आहे. राष्ट्रपती भवनाने मंत्रिमंडळाच्या विस्तारासाठी अद्याप निश्‍चित तारीख दिली नसली तरी २० वा २१ जूनची तारिख दिली जाण्याची शक्यता आहे.
पुढील वर्षी उत्तरप्रदेशसह पंजाब, उत्तराखंड या राज्यातही विधानसभा निवडणुका आहेत. त्यामुळे या राज्यांना मंत्रिमंडळ विस्तारात प्रतिनिधित्व मिळू शकते. केंद्रीय क्रीडा मंत्री सर्बांनंद सोनोवाल यांची आसामचे मुख्यमंत्री म्हणून निवड झाली, तर रावसाहेब दानवे यांची महाराष्ट्र प्रदेश भाजपाचे अध्यक्ष म्हणून नियुक्ती झाल्यानंतर त्यांनी केंद्रीय मंत्रिमंडळातून राजीनामा दिला होता. अन्य एक केंद्रीय मंत्री विजय सांपला यांची पंजाब प्रदेश भाजपाचे अध्यक्ष म्हणून निवड झाली, त्यामुळे त्यांनीही राजीनामा दिला आहे. त्यामुळे केंद्रीय मंत्रिमंडळात तीन जागा रिक्त आहे.
२५ जुलैपासून संसदेचे पावसाळी अधिवेशन सुरू होत आहे. नवीन मंत्र्यांना आपल्या विभागाची माहिती घेऊन अधिवेशनासाठी तयार होण्याच्या दृष्टीनेही मंत्रिमंडळाचा विस्तार पुढील आठवड्यात होणे आवश्यक आहे.

Short URL: https://vrittabharati.in/?p=28637

Posted by on Jun 17 2016. Filed under ठळक बातम्या, राष्ट्रीय, संसद. You can follow any responses to this entry through the RSS 2.0. You can leave a response or trackback to this entry

Leave a Reply

Change Language: press Ctrl+g

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in ठळक बातम्या, राष्ट्रीय, संसद (222 of 2453 articles)


=पहिल्या राजस्व ज्ञान-संगमचे उद्‌घाटन= नवी दिल्ली, [१६ जून] - करदात्यांच्या मनातले भय दूर करण्यासाठी प्रशासनातील पाच स्तंभ राजस्व (Revenue), उत्तरदायित्व ...

×