Home » ठळक बातम्या, तामिळनाडू, राज्य » प्रत्येकाच्या डोळ्यातील अश्रू पुसा

प्रत्येकाच्या डोळ्यातील अश्रू पुसा

=जेटलींचे बँकांना निर्देश=
Arun Jaitley3चेन्नई, [२० डिसेंबर] – राजधानी चेन्नई आणि तामिळनाडूच्या इतर भागांमध्ये गेल्या काही दिवसांत कोसळलेला पाऊस अभूतपूर्वच होता, असे केंद्रीय अर्थमंत्री अरुण जेटली यांनी म्हटले असून, प्रत्येक पीडिताच्या डोळ्यातील अश्रू पुसले जातील हे सुनिश्‍चित करा, असे निर्देश त्यांनी बँकांना दिले आहेत.
पीडित लोकांना मदत पुरवणे हे पहिले मोठे आव्हान आहे. शहर आव्हानात्मक परिस्थितीचा सामना करत असताना माझा हा दौरा आहे. या पावसाने जे नुकसान केले त्याचा मुकाबला करणे मानवाच्या क्षमतेपलीकडचे होते. तुम्ही नैसर्गिक आपत्ती रोखू शकत नसाल तरी ते संकट आल्यानंतर चांगले जीवनमान देणे तुम्ही सुनिश्‍चित करू शकता, असे जेटली यांनी पीडितांना कर्ज आणि आर्थिक मदतीचे वाटप करण्यासाठी आयोजित कार्यक्रमात बोलताना सांगितले.
जयललितांशी चर्चा
तामिळनाडू दौर्‍यावर असलेले केंद्रीय अर्थमंत्री अरुण जेटली यांनी तामिळनाडूच्या मुख्यमंत्री जयललिता यांची भेट घेऊन पुनर्वसन योजनांचा आढावा घेतला. परंतु, या बैठकीत संसदेत सध्या रखडलेल्या जीएसटी विधेयकावर चर्चा झाली नसल्याचे समजते. जयललिता यांनी केंद्राकडून दोन हजार कोटी रुपयांची अंतरिम मदत मिळावी, अशी अपेक्षा व्यक्त केली. ही भेट पुरामुळे झालेल्या नुकसानीचा अंदाज घेण्यासाठी होती आणि यावेळी जीएसटीवर चर्चा झाली नाही, असे जेटली यांनी पाऊण तास चाललेल्या बैठकीतून बाहेर पडल्यानंतर पत्रकारांशी बोलताना सांगितले. जयललिता यांच्या पक्षाचे लोकसभा आणि राज्यसभा मिळून ४९ संसद सदस्य आहेत, हे याठिकाणी उल्लेखनीय.

Short URL: https://vrittabharati.in/?p=26260

Posted by on Dec 21 2015. Filed under ठळक बातम्या, तामिळनाडू, राज्य. You can follow any responses to this entry through the RSS 2.0. You can leave a response or trackback to this entry

Leave a Reply

Change Language: press Ctrl+g

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in ठळक बातम्या, तामिळनाडू, राज्य (990 of 2452 articles)


नवी दिल्ली, [२० डिसेंबर] - पंतप्रधान नरेंद्र मोदी येत्या बुधवारपासून रशियाच्या दौर्‍यावर जाणार असून, त्यांच्या या दौर्‍यात अणुऊर्जा क्षेत्रातील सहकार्य ...

×