Home » ठळक बातम्या, वाणिज्य » कर्मचार्‍यांचा संप, बँका ३ दिवस बंद

कर्मचार्‍यांचा संप, बँका ३ दिवस बंद

=आजच उरकून घ्या कामे!=
मुंबई, (७ फेब्रुवारी) – रविवारची सुटी आणि नंतर दोन दिवस बँक कर्मचार्‍यांनी पुकारलेला संप यामुळे तीन दिवस बँका बंद राहणार असल्यामुळे आणि महिन्याला नुकतीच सुरुवात झाली असल्यामुळे चाकरमान्यांना उद्या शनिवारीच आपली बँकांची कामे आटोपून घ्यावी लागणार आहेत. देशभरातील बँक कर्मचार्‍यांनी रखडलेल्या वेतनवाढीचा प्रश्‍न आणि बँकिंगमधील सुधारणा थांबवाव्यात, या मुख्य मागण्यांसाठी सोमवारी आणि मंगळवारी देशव्यापी संप पुकारला आहे.
बँकांना शनिवारी अर्धी सुटी, रविवारची साप्ताहिक सुटी, सोमवार व मंगळवार या सलग दोन दिवशी बँक कर्मचार्‍यांचा संप आहे. त्यामुळे या चार दिवसांत बँकेच्या व्यवहारांवर परिणाम होणार आहे. सार्वजनिक क्षेत्रातील सुमारे आठ लाख बँक कर्मचारी संपात सहभागी होण्याची शक्यता आहे. वेतनवाढीबाबत बँक कर्मचार्‍यांची संघटना युएफबीयुने केंद्रीय कामगार आयोग आणि इंडियन बँक्स असोसिएशनशी चर्चा केली. मात्र, या चर्चा निष्फळ ठरल्याने बँक कर्मचार्‍यांच्या संघटनेने संपाचे हे हत्यार उपसले आहे.

Short URL: https://vrittabharati.in/?p=10882

Posted by on Feb 8 2014. Filed under ठळक बातम्या, वाणिज्य. You can follow any responses to this entry through the RSS 2.0. You can leave a response or trackback to this entry

Leave a Reply

Change Language: press Ctrl+g

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in ठळक बातम्या, वाणिज्य (2445 of 2455 articles)


टोकियो, (६ फेब्रुवारी) - सोनी कंपनीने इलेक्ट्रॉनिक व्यापारात होत असलेल्या तोटा कमी करण्यासाठी आखलेल्या पूर्व निर्धारित योजनेनुसार ५००० कामगारांची कपात ...

×