Home » आंतरराष्ट्रीय, आशिया, ठळक बातम्या » कुणालाही घाबरत नाही : छोटा राजन

कुणालाही घाबरत नाही : छोटा राजन

Chhota-rajan1नवी दिल्ली, [२८ ऑक्टोबर] – दाऊद इब्राहिमला घाबरून आपण बाली पोलिसांना शरण गेलो, या वृत्ताचे सध्या इंडोनेशियन पोलिसांच्या ताब्यात असलेल्या छोटा राजनने खंडन केले आहे. मला कुणाचीही भीती नाही आणि दाऊदला तर मी मुळीच घाबरत नाही, असे राजन म्हणाला. दरम्यान, राजनच्या जिवाला असलेला धोका लक्षात घेता, बाली पोलिसांनी त्याला कमांडोजची सुरक्षा उपलब्ध केली आहे.
झिम्बाब्वेत जाऊ द्या
भारतात फाशीचा फंदा आणि दाऊदच्या डी कंपनीचे गुंड आपली प्रतीक्षा करीत असल्याची परिपूर्ण माहिती असलेला छोटा राजन अक्षरश: भयभीत झाला आहे. मला भारतात पाठवू नका, झिम्बाब्वेला जाऊ द्या, अशी विनवणी तो इंडोनेशिया पोलिसांना करीत आहे.
इंडोनेशियाच्या बाली शहरातील वरिष्ठ पोलिस अधिकार्‍याने एका वृत्तवाहिनीशी बोलताना याबाबत माहिती दिली. मला भारतीय पोलिसांच्या स्वाधीन करू नका, यासाठी तो वारंवार आम्हाला विनंती करीत असल्याचे या अधिकार्‍याने सांगितले.
भारत आणि इंडोनेशिया यांच्यात प्रत्यार्पण करार असल्याने, भारतीय पोलिसांचे वरिष्ठ पथक आपल्याला ताब्यात घेण्यासाठी रवाना होण्याच्या तयारीत असल्याचे त्याला समजले आहे. त्यामुळे सुटकेसाठी त्याची सातत्याने तळमळ सुरू आहे. बाली येथील रिसोर्टमध्ये तीन-चार दिवस मुक्काम केल्यानंतर मी झिम्बाब्वेला जाणार होतो. तिथे मला अनेक महत्त्वाची कामे निकाली काढायची होती. कृपया मला अडवू नका, जाऊ द्या, असेही तो वारंवार सांगत असल्याचे अधिकारी म्हणाला.

Short URL: https://vrittabharati.in/?p=25374

Posted by on Oct 29 2015. Filed under आंतरराष्ट्रीय, आशिया, ठळक बातम्या. You can follow any responses to this entry through the RSS 2.0. You can leave a response or trackback to this entry

Leave a Reply

Change Language: press Ctrl+g

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in आंतरराष्ट्रीय, आशिया, ठळक बातम्या (1271 of 2458 articles)


पाटना, [२८ ऑक्टोबर] - पाच टप्प्यांमध्ये होणार्‍या बिहार विधानसभा निवडणुकीत तिसर्‍या आणि महत्वाच्या टप्प्यासाठी आज बुधवारी मतदान होत आहे. तिसर्‍या ...

×