केजरीवालांचे वीजबिल ९१,०००

=आरटीआय अंतर्गत खुलासा=
नवी दिल्ली, [३० जून] – स्वत:ला आम आदमी म्हणवून घेणारे आणि साधेपणाचा आव आणणारे दिल्लीचे मुख्यमंत्री अरविंद केजरीवाल यांचे राहणीमान किती उच्च आहे, हे आज आरटीआय अंतर्गत उघड झालेल्या माहितीवरून स्पष्ट झाले. अरविंद केजरीवाल यांच्या सरकारी निवासस्थानाचे वीज बिल चक्क ९१ हजार रुपये आले. माहितीच्या अधिकारात मागविलेल्या माहितीत हे सत्य पुढे आले आहे. हे बिल एप्रिल आणि मे अशा दोन महिन्यांचे आहे. ही माहिती पुढे येताच विरोधी पक्षाने आम आदमी पार्टीवर टीकेची झोड उठविली आहे.
दिल्ली विधानसभेतील प्रमुख विरोधी पक्ष भारतीय जनता पार्टीने, हे वीज बिल यापेक्षाही जास्त असण्याची शक्यता व्यक्त करीत आम आदमी पार्टीच्या नेत्यांनी आपापली वीज बिले सार्वजनिक करावी, अशी मागणी केली आहे. वकील आणि माहिती अधिकार कार्यकर्ते विवेक गर्ग यांनी यासंबंधीची माहिती मागविली होती. दरम्यान, याप्रकरणी दिल्ली सरकारने खरोखरच वीज खर्च झाली आहे की हे वीज बिल बनावट आहे, याविषयी चौकशीचे आदेश दिले आहेत.

Short URL: https://vrittabharati.in/?p=23170

Related posts

खातेधारकाचा एटीएम अन्य कुणीही वापरू शकत नाही

पाकला चिरडा, काश्मीर लष्कराकडे सोपवा!

लव्ह जिहादच्या विरोधात जनजागृती

Posted by वृत्तभारती on Jul 1 2015. Filed under ठळक बातम्या, दिल्ली, राज्य. You can follow any responses to this entry through the RSS 2.0. You can leave a response or trackback to this entry