खेळात सुधारणा हवीः मेस्सी

रिओ डी जानेरिओ, [१७ जून] – विश्‍वचषकासारख्या महत्त्वाच्या स्पर्धेतील पहिल्या सामन्यात नेहमीच दडपण असते. त्यातही स्पर्धेची विजयी सुरुवात करीत तीन गुण प्राप्त करणे ही घटना नेहमीच आनंद देणारी असते. विजय मिळवित आगेकूच करायला मिळाल्याने छान वाटत आहे.
स्पर्धेची योग्य ती सुरुवात करण्यास आम्हाला काही अडचणी येत होत्या. त्यामुळे काहीशी चिंता वाटत होती. पण, अखेर या सामन्यात तीन गुण मिळविण्यास आम्ही यशस्वी ठरलो असे मत विश्‍व विख्यात अर्जेटिनाचा खेळाडू लिओनेल मेस्सी याने व्यक्त केले. स्पर्धेत आगेकूच करायची असल्यास आम्हाला आमच्या खेळातील कौशल्यात लगेचच सुधारणा करणे गरजेचे आहे याकडेही त्याने लक्ष वेधले.
मरकाना स्टेडियमवर पहिल्यांदाच खेळण्याचा अनुभव कसा होता याविषयी विचारले असता मेस्सी म्हणाला की, मी जशी कल्पना केली होती तसेच हे मैदान सुंदर आहे. त्यामुळे मी फारसा चकित झालो नाही. याशिवाय अर्जेंटिनाचे समर्थक मोठ्या संख्येने याठिकाणी उपस्थित होते. सामन्याच्या वेळी समर्थकांच्या प्रचंड प्रतिसादाने हा सामना आणि हे मैदान आमच्यासाठी विशेष बनविले आहे. सामन्यातील डावपेचाबद्दल मेस्सी म्हणाला की, सामन्याच्या उत्तरार्धात आम्ही आखलेल्या रणनीतीमुळे आम्हाला मैदानात मुक्त वावर करणे शक्य झाले. आमचे बचावपटू आणि आक्रमक या दोघांनाही या रणनीतीचा फायदा झाला.

lionel-

Short URL: https://vrittabharati.in/?p=13609

Posted by वृत्तभारती on Jun 18 2014. Filed under क्रीडा, ठळक बातम्या. You can follow any responses to this entry through the RSS 2.0. You can leave a response or trackback to this entry