गूगलचं ‘इंडिक की-बोर्ड’ लॉन्च

Posted by वृत्तभारती Sunday, November 22nd, 2015

नवी दिल्ली, [२१ नोव्हेंबर] – गूगलने हिंदी की – बोर्डला ‘गूगल इंडिक की – बोर्ड’ म्हणून नवे नाव दिले आहे. या नव्या ऍपमध्ये मराठी, हिंदीसह १० भारतीय भाषांचा समावेश असणार आहे. याशिवाय आणखी नवे फीचर्सचाही समावेश करण्यात आला आहे.
गूगल इंडियाने एका ट्‌वीटद्वारे या टाईपिंग नवीन ऍपबाबत माहिती दिली. जर स्मार्टफोनमध्ये गूगल हिंदी की – बोर्ड असेल तर नव्या फीचर्ससाठी ते ऍप अपडेट करावे लागेल. या की बोर्डमध्ये हिंदी, मराठी, आसामी, बंगाली, गुजराती, कन्नड, मल्याळम, उडिया, पंजाबी, तामिळ आणि तेलगू या भाषांचा समावेश करण्यात आला आहे. तसेच भाषांतर मोडचाही समावेश आहे. या मोडमध्ये इंग्रजीत शब्द टाईप केल्यास आऊटपुट हिंदीमध्ये मिळतं. तसेच अनेक नव्या फीचरचा समावेश इंडिक की – बोर्डमध्ये करण्यात आला आहे.