Home » ठळक बातम्या, म.प्रदेश, राज्य » दिग्विजयसिंह यांची न्यायालयात हजेरी

दिग्विजयसिंह यांची न्यायालयात हजेरी

=सचिवालयातील नियुक्ती घोटाळा=
digvijay-singhभोपाळ, [२७ फेब्रुवारी] – विधिमंडळ सचिवालयातील नियुक्त्यांमध्ये झालेल्या कथित घोटाळ्याप्रकरणी मध्यप्रदेशचे माजी मुख्यमंत्री व कॉंग्रेस सरचिटणीस दिग्विजयसिंह आज शनिवारी न्यायालयात हजर झाले. न्यायालयाने शुक्रवारी दिग्विजयसिंह यांच्याविरोधात अजामीनपात्र वॉरंट बजावला होता.
या घोटाळ्यात दिग्विजयसिंह आरोपी असून, शनिवारी ते विशेष जिल्हा व सत्र न्यायाधीश काशीनाथसिंह यांच्यासमोर हजर झाले. याप्रकरणी १६९ पानांचे पुरवणी आरोपपत्र दाखल करण्यात आले असून, दिग्विजयसिंह हजर न झाल्यामुळे न्यायालयाने वॉरंट बजावला होता.
प्रदेश कॉंग्रेसचे अध्यक्ष अरुण यादव, माजी केंद्रीय मंत्री सुरेश पचौरी व त्यांचे वकील विवेक तनखा हे दिग्विजयसिंह यांच्यासोबत होते. शुक्रवारी न्यायालयाने के. के. कौशल व ए. के. प्यासी यांच्यासह सात आरोपींची प्रत्येकी ३० हजारांच्या जाचमुचलक्यावर सुटका केली होती. कौशल व प्यासी हे विधिमंडळ सचिवालयातील कर्मचारी आहेत. १९९३ ते २००३ या काळात दिग्विजयसिंह मुख्यमंत्री असताना विधिमंडळ सचिवालयातील भरतीत मोठा घोटाळा झाल्याचा आरोप आहे.

Short URL: https://vrittabharati.in/?p=26918

Posted by on Feb 28 2016. Filed under ठळक बातम्या, म.प्रदेश, राज्य. You can follow any responses to this entry through the RSS 2.0. You can leave a response or trackback to this entry

Leave a Reply

Change Language: press Ctrl+g

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in ठळक बातम्या, म.प्रदेश, राज्य (802 of 2452 articles)


मुख्यमंत्री देवेंद्र फडणवीस यांचे प्रतिपादन भाषासंवर्धनासाठी मंगेश पाडगावकर व डॉ. अशोक केळकर मराठी भाषा अभ्यासक पुरस्कार मुंबई, [२७ फेब्रुवारी] ...

×