Home » ठळक बातम्या, नागरी, राष्ट्रीय » नरेंद्र मोदींची लोकप्रियता सर्वोच्च शिखरावर

नरेंद्र मोदींची लोकप्रियता सर्वोच्च शिखरावर

=कॉंगे्रसजनांनाही पडली भुरळ, सर्वेक्षणातील वास्तव=
NARENDRA MODI39नवी दिल्ली, [१८ सप्टेंबर] – केंद्रातील सत्ता गेल्याने निराश झालेला कॉंगे्रस पक्ष पंतप्रधान नरेंद्र मोदी यांच्यावर सातत्याने टीकेची झोड उठवित असला, तरी या टीकेचा नरेंद्र मोदी यांच्या लोकप्रियतेवर कोणताही परिणाम झालेला नाही. उलट, त्यांच्या लोकप्रियतेत प्रचंड वाढ झाली आहे. सर्वसामान्य जनताच नव्हे, तर चक्क कॉंगे्रसच्या नेत्यांनाही मोदी यांनी आपल्या कार्यपद्धतीमुळे भुरळ पाडली आहे.
‘प्यु रिसर्च फाऊंडेशन’ या आंतरराष्ट्रीय संस्थेने नरेंद्र मोदी यांच्या लोकप्रियतेबाबत अलीकडेच पाहणी केली. यात, मोदी यांच्या लोकप्रियतेत सातत्याने वाढ होत असून, त्यांचे रेटिंग ८७ टक्क्यांपर्यंत पोहोचले असल्याचे दिसून आले आहे. ६ एप्रिल ते १९ मे या कालावधीत करण्यात आलेल्या या अभ्यासात एकूण २४५२ नागरिकांचे मत विचारात घेण्यात आले.
गेल्या वर्षी मे महिन्यात नरेंद्र मोदी यांनी केंद्रातील सत्तेची सूत्रे हाती घेतली. तेव्हापासून त्यांनी ज्या पद्धतीने राज्यकारभार केला आणि लोकहितार्थ जी धोरणे राबविली, त्यास बहुतांश देशवासीयांनी पसंती दिली, असे प्यु रिसर्चच्या अहवालात म्हटले आहे.
या अभ्यासात कॉंगे्रस नेत्यांनाही सहभागी करून घेण्यात आले. प्रत्येक १० पैकी ६ समर्थकांनी नरेंद्र मोदी यांनी राबविलेल्या शौचालय बांधकाम, बेरोजगारांना रोजगार, महागाईवर नियंत्रण, तसेच गरिबांच्या कल्याणकारी योजना अतिशय उत्तम असल्याचे नमूद केले. ५६ टक्के कॉंगे्रसजनांना दहशतवादाविरोधात मोदी सरकारने छेडलेली मोहीम अतिशय योग्य आणि प्रभावी असल्याचे वाटते. मोदी यांची भ्रष्टाचारविरोधी मोहीमही कॉंगे्रसजनांना भुरळ पाडून गेली आहे. देशाच्या शहरी भागात मोदींना ८३ टक्के आणि कॉंगे्रसला ५२ टक्के, त्याचप्रमाणे ग्रामीण भागात अनुक्रमे ८९ व ६४ टक्के गुण मिळाले आहेत. एकीकडे मोदी यांची लोकप्रियता वाढत असताना, सुरुवातीच्या पाच महिन्यांच्या काळात देशात जातीय हिंसाचाराच्या घटनाही वाढल्या असल्याचे दिसून आले.

Short URL: https://vrittabharati.in/?p=23890

Posted by on Sep 19 2015. Filed under ठळक बातम्या, नागरी, राष्ट्रीय. You can follow any responses to this entry through the RSS 2.0. You can leave a response or trackback to this entry

Leave a Reply

Change Language: press Ctrl+g

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in ठळक बातम्या, नागरी, राष्ट्रीय (1450 of 2453 articles)


कॉंगे्रसजनांनाही पडली भुरळ ताजा सर्वेक्षणातील वास्तव नवी दिल्ली, [१८ सप्टेंबर] - केंद्रातील सत्ता गेल्याने निराश झालेला कॉंगे्रस पक्ष पंतप्रधान ...

×