प्रीतम मुंडेंचा विक्रमी मताधिक्याने विजय

=मुलींनी राखला वडिलांचा गड=
मुंबई, [१९ ऑक्टोबर] – दिवंगत केंद्रीय मंत्री आणि भाजपाचे वरिष्ठ नेते गोपीनाथ मुंडे यांच्या दोन्ही कन्यांनी आपल्या वडिलांचा अनुक्रमे बीड आणि परळी हा गड यशस्वीपणे कायम राखला आहे. विशेषत: प्रीतम मुंडे यांनी तर बीड लोकसभेची जागा विक्रमी ६.९२ लाखांच्या फरकाने जिंकली आहे. पंकजा मुंडे यांनी परळी विधानसभेची जागा आणि प्रीतम मुंडे यांनी बीड लोकसभेची जागा लढविली. पंकजा यांनी राष्ट्रवादीच्या तिकिटावर रिंगणात उभा असलेला आपला चुलत भाऊ धनंजय मुंडे यांचा २५,८९५ मतांनी पराभव केला. पंकजा यांना ९६,९०४ आणि धनंजय यांना ७१,००९ मते मिळाली.
बीड लोकसभा मतदारसंघात प्रीतम मुंडे यांना नऊ लाखांपेक्षा जास्त मते मिळाली. त्यांच्याविरुद्ध कॉंगे्रसच्या तिकिटावर मैदानात उतरलेले अशोक पाटील यांचा त्यांनी ६.९२ लाख एवढ्या प्रचंड मताधिक्याने पराभव केला. इतक्या मोठ्या फरकाने लोकसभेची निवडणूक जिंकण्याची आजवरच्या इतिहासातील ही पहिलीच वेळ असावी.

Short URL: https://vrittabharati.in/?p=17515

Related posts

लातूरला दररोज एक कोटी लीटर पाणी : खडसे

दुष्काळामुळे मराठवाड्यातील ग्रामीणांचे स्थलांतर

पालिकेचे पाणी चोरून मिनरल वॉटरचा धंदा

Posted by वृत्तभारती on Oct 21 2014. Filed under ठळक बातम्या, मराठवाडा. You can follow any responses to this entry through the RSS 2.0. You can leave a response or trackback to this entry