बाळगंगा धरण घोटाळा: अजित पवारांवर गुन्हा

Posted by वृत्तभारती Friday, September 25th, 2015

मुंबई, [२४ सप्टेंबर] – रायगड जिल्ह्यातील बाळगंगा धरणाच्या कामातील गैरव्यवहाराबाबत अंमलबजावणी संचालनालयाने (ईडी) तत्कालीन जलसंपदा मंत्री अजित पवार यांच्याविरुद्ध अवैध सावकारीचा गुन्हा नोंदविला आहे.
पवार व इतरांविरुद्ध ९२.६३ कोटी रुपयांच्या गैरव्यवहाराचा आरोप आहे. राष्ट्रवादी कॉंग्रेसचे प्रदेशाध्यक्ष सुनील तटकरे यांच्याविरोधातही गुन्हा दाखल झालेला आहे. या सिंचन घोटाळ्यासंदर्भात लाचलुचपत प्रतिबंधक विभागाने (एसीबी) याआधीच गुन्हा नोंदवून तपास सुरू केला आहे. त्याच धर्तीवर ईडीने गुन्हा (ईसीआयआर) नोंदविला असून, आम्ही या गैरव्यवहारातील ‘अवैध सावकारीच्या पैलूचा तपास करणार आहोत, असे वरिष्ठ सूत्रांनी सांगितले.
तत्पूर्वी, एसीबीने पाठवलेल्या समन्सनुसार चौकशीसाठी वेगवेगळ्या कारणांवरून अनुपस्थित राहणारे माजी उपमुख्यमंत्री अजित पवार आता ईडी अर्थात अंमलबजावणी संचालनालयाच्या रडारवर आले आहेत.