मंगळावर सापडला नासाच्या यानाला खनिज साठा

Posted by वृत्तभारती Friday, November 7th, 2014

वॉशिंग्टन, [६ नोव्हेंबर] – मंगळावर अभ्यासासाठी सोडलेल्या अमेरिकेच्या रोव्हर क्युरिसिटी बग्गीला खनिजांचा साठा सापडला आहे. मंगळावर पहिल्यादांच खनिज साठा सापडला आहे. अशी माहिती ‘नासा’ने दिली.
क्युरिसिटी या बग्गीने मंगळावरील ‘माउंट शार्प’ या परिसरातील एका डोंगरावर ड्रिलिंग केले असता तिथे लाल रंगाची पावडर सापडली. या बग्गीने पावडरचे नमुने गोळा केले आहेत. या बग्गीत रसायन व खनिजांची तपासणी करणारी यंत्रणा तयार आहे. हे खनिज ‘हिमीटाइट’ या नावाने ओळखल्या जाते. यात लोखंड आणि ऑक्साइडचे मिश्रण आहे.
२०१० मध्ये नासाच्या ‘मार्स रिकॉनसन्स’ यानात खनिजांची तपासणी करण्यासाठी खास यंत्रणा होती. या यानाने ‘हिमीटाइट’ हे खनिज असल्याचे पुरावे दिले होते. या खनिजांमुळे मंगळावरील प्राचीन पर्यावरणाची माहिती मिळू शकेल, असे क्युरिसिटी प्रकल्पाचे संशोधक जॉन ग्रोटझिंगर यांनी सांगितले.