Home » ठळक बातम्या, महाराष्ट्र » मुख्यमंत्री फडणवीस अमेरिका दौर्‍यावर रवाना

मुख्यमंत्री फडणवीस अमेरिका दौर्‍यावर रवाना

Devendra-Fadnavis6मुंबई, [२९ जून] – मुख्यमंत्री देवेंद्र फडणवीस यांच्या नेतृत्वात राज्याचे एक शिष्टमंडळ आठवडाभराच्या अमेरिका दौर्‍यासाठी सोमवारी सकाळी येथून रवाना झाले. या दौर्‍यात हे शिष्टमंडळ तेथील विविध प्रमुख उद्योग समुहांशी चर्चा करणार आहे.
मुख्यमंत्र्यांसह या शिष्टमंडळात उद्योगमंत्री सुभाष देसाई, मुख्य सचिव स्वाधीन क्षत्रिय, मुख्यमंत्र्यांचे प्रधान सचिव प्रवीण परदेशी, उद्योग विभागाचे प्रधान सचिव अपूर्व चंद्रा, एमआयडीसीचे मुख्य कार्यकारी अधिकारी भूषण गगराणी, उद्योग विभागाचे विकास आयुक्त सुरेंद्रकुमार बागडे यांचाही समावेश आहे. विधानसभेतील विरोधी पक्षनेते राधाकृष्ण विखे-पाटील हेदेखील या दौर्‍यात सहभागी होणार आहेत. आपल्या या अमेरिका दौर्‍यात मुख्यमंत्री फडणवीस मायक्रोसॉफ्ट, जनरल मोटर्स, बोईंग, क्रिसलर, आयएसई, ऍप्पल, गुगल, सॅनडिक्स, ऍमेझॉन, ब्लॅकस्टोन, बँक ऑफ अमेरिका, सिस्को, इत्यादी बड्या कंपन्यांच्या प्रमुखांशी भेटून त्यांना राज्यात गुंतवणूक करण्याचे आवाहन करणार आहेत. तसेच कोकाकोला या उद्योग समूहासोबतच्या राज्याच्या सामंजस्य करारावरही या दौर्‍यात स्वाक्षरी होणार आहे. यासोबतच बोईंग, जनरल मोटर्स आदी उद्योग समूहांच्या प्रकल्पांनाही शिष्टमंडळ भेटी देणार आहे.
दौर्‍याचा प्रारंभ न्यू जर्सीच्या गव्हर्नरांसोबत भेटीने होणार आहे. न्यूयॉर्क, डेट्रॉईट आणि सॅनफ्रान्सिस्को इथे होणार्‍या व्यापार आणि गुंतवणूक विषयक परिषदेत फडणवीस मार्गदर्शन करतील. लॉस एंजेलिस येथे अमेरिका आणि कॅनडातील बृहन्महाराष्ट्र मंडळातर्फे आयोजित १७ व्या अधिवेशनाचे अध्यक्षस्थानही फडणवीस भूषवणार आहेत. या अधिवेशनात अमेरिका व कॅनडातील चार हजारांहून अधिक मराठीबांधव सहभागी होणार असल्याचे सांगण्यात आले.

Short URL: https://vrittabharati.in/?p=23138

Posted by on Jun 30 2015. Filed under ठळक बातम्या, महाराष्ट्र. You can follow any responses to this entry through the RSS 2.0. You can leave a response or trackback to this entry

Leave a Reply

Change Language: press Ctrl+g

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in ठळक बातम्या, महाराष्ट्र (1593 of 2451 articles)


=२८ वर्षांच्या प्रीतीला मिळाला चालकाचा मान= चेन्नई, [२९ जून] - तामिळनाडूची राजधानी चेन्नई येते आज सोमवारपासून मेट्रोसेवा सुरू झाली. मुख्यमंत्री ...

×