Home » ठळक बातम्या, महाराष्ट्र » मेक इन महाराष्ट्रसाठी महाराष्ट्र मनपा अधिनियमात सुधारणा

मेक इन महाराष्ट्रसाठी महाराष्ट्र मनपा अधिनियमात सुधारणा

maharashtra mapमुंबई, [१३ मार्च] – मेक इन इंडिया कार्यक्रमाच्या धर्तीवर राज्यातही मेक इन महाराष्ट्र मिशन राबविण्याचा निर्णय राज्यशासनाने घेतला आहे. या अभियानांतर्गत राज्यात होणारी औद्योगिक गुंतवणूक वाढवून विकासास चालना मिळावी यासाठी व्यवसाय सुलभता हे धोरण राबविण्यात येत आहे. सध्या नवीन उद्योगांसाठी जवळपास ७० प्रकारची परवानगी घ्यावी लागते. उद्योगासाठी एका सक्षम प्राधिकरणाकडून परवानगी घेतल्यानंतर महाराष्ट्र औद्योगिक विकास महामंडळाच्या क्षेत्रातील उद्योगांना पुन्हा दुसर्‍या प्राधिकरणाच्या परवानगींची गरज भासू नये यासाठी महाराष्ट्र महानगरपालिका अधिनियम कलम ३१३ मध्ये सुधारणा करण्याचा निर्णय राज्य मंत्रिमंडळाने घेतला आहे.
महानगरपालिका अधिनियम कलम ३१३ मधील तरतुदीनुसार महापालिका आयुक्तांच्या परवानगीशिवाय महापालिका क्षेत्रात नव्याने कारखाना स्थापना करता येत नाही, तसेच नूतनीकरणही करता येत नाही. या तरतुदीमुळे उद्योजकांना औद्यागिक महामंडळासह महापालिकांचीही परवानगी घ्यावी लागत होती. या सार्‍या प्रक्रियेत कालापव्यय होण्यासह आर्थिक भारही उद्योगांना सहन करावा लागत होता. शासनाने उद्योजकांची ही अडचण ओळखून या तरतुदीत सुधारणा केली आहे. त्यानुसार राज्यातील महापालिका क्षेत्रातील औद्योगिक विकास महामंडळाच्या क्षेत्रातील उद्योगांना महापालिका प्रशासनाकडून पुन्हा परवानगी घेण्याची गरज भासणार नाही.

Short URL: https://vrittabharati.in/?p=21413

Posted by on Mar 14 2015. Filed under ठळक बातम्या, महाराष्ट्र. You can follow any responses to this entry through the RSS 2.0. You can leave a response or trackback to this entry

Leave a Reply

Change Language: press Ctrl+g

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in ठळक बातम्या, महाराष्ट्र (1917 of 2451 articles)


पुणे, [१३ मार्च] - ज्येष्ठ शास्त्रीय गायक पंडित जितेंद्र अभिषेकी यांच्या स्मृतिप्रीत्यर्थ तरंगिणी सांस्कृतिक प्रतिष्ठान व आपला परिसर संस्थेच्या संयुक्त ...

×