मोदींनी लावला खासदारांच्या वेतनवाढीला ब्रेक

Posted by वृत्तभारती Wednesday, May 4th, 2016

नवी दिल्ली, [३ मे] – खासदारांचे वेतन दुप्पटीने वाढवण्याच्या प्रस्तावाला अर्थ मंत्रालयाने मंजुरी दिली असली तरी पंतप्रधान नरेंद्र मोदी यांनी या वाढीला ब्रेक लावल्याचे सांगण्यात येत आहे.
सूत्राने दिलेल्या माहितीनुसार या वेतनवाढीच्या प्रस्तावाला पंतप्रधान कार्यालय मंजुरी देण्याच्या बाजूने नसल्याने ही फाईल तेथे अटकून पडली आहे.
खासदारांनी आपले वेतन स्वत: ठरवू नये, तर ते विशिष्ट कार्यप्रणालीने (मेकॅनिझम) ठरविले जावे, असे मोदी यांना वाटत असल्याचे सांगून हे सांगून सूत्र पुढे म्हणाले की, ज्याप्रमाणे वेतन आयोग सरकारी कर्मचार्‍यांचे वेतन ठरवते त्याच पद्धतीने खासदारांचेही वेतन व भत्ते वाढवण्याचा प्रस्ताव एखाद्या स्वतंत्र संस्थेने तयार करावा, अशी सूचना पंतप्रधान कार्यालयाने केली आहे.