वांद्रे पोटनिवडणुकीत शिवसेनेच्या तृप्ती सावंत विजयी

Posted by वृत्तभारती Wednesday, April 15th, 2015

मुंबई, [१५ एप्रिल] – वांद्रे (पूर्व) निवडणुकीत शिवसेनेच्या उमेदवार तृप्ती सावंत यांचा विजय झाला असून नारायण राणे यांचा पराभव झाला आहे.
शिवसेना आमदार प्रकाश सावंत यांच्या निधनामुळे इथे पोटनिवडणुक झाली. ११ एप्रिलला झालेल्या मतदानाचा निकाल आज जाहीर झाला आहे. शिवसेनेच्या तृप्ती सावंत जिंकल्यामुळे ‘मातोश्री’ च्या अंगणातील भगवा पुन्हा एकदा डौलाने फडकला आहे.
चौदाव्या फेरीअखेर शिवसेनेच्या सावंत यांना सुमारे १७ हजारांची आघाडी मिळाली आहे. आज सकाळी ८ वाजता वांद्रे पूर्वच्या समाज मंदिर सभागृहात मतमोजणी सुरु झाली. मात्र तृप्ती सावंत या पहिल्या फेरीपासूनच आघाडीवर होत्या. त्या शेवटपर्यंत आघाडीवर कायम होत्—या. जसजशी तृप्ती सावंत यांची आघाडी वाढत होती, तसा शिवसैनिकांचा जल्लोषही वाढत होता. एकूणच वांद्रे हा मतदार संघ आधीही शिवसेनेचा बालेकिल्लाच होता आणि आताही तो कायमच आहे हे या निवडणुकीतून सिद्ध झाले आहे.