Home » ठळक बातम्या, म.प्रदेश, राज्य » शिवराजसिंहांनी पूर्ण केली दहा वर्षांची कारकीर्द

शिवराजसिंहांनी पूर्ण केली दहा वर्षांची कारकीर्द

shivraj-singh-chauhan-भोपाळ, [२९ नोव्हेंबर] – मध्यप्रदेशचे मुख्यमंत्री शिवराजसिंह चौहान यांनी आज रविवारी मुख्यमंत्रिपदाची दहा वर्षांची कारकीर्द पूर्ण केली. सलग दहा वर्षे मुख्यमंत्रिपद भूषविणारे ते पहिलेच गैरकॉंगे्रसी नेते ठरले आहेत. असे करताना त्यांनी १९९३ ते २००३ असा सलग काळ मुख्यमंत्रिपदी राहिलेले दिग्विजयसिंह यांचाही विक्रम मोडित काढला आहे.
व्यावसायिक परीक्षा मंडळातील (व्यापमं) कथित घोटाळा आणि लोकसभेच्या पोटनिवडणुकीत झालेला भाजपाचा पराभव या दोन घटना शिवराजसिंह यांच्या कारकीर्दीला त्रासदायक ठरल्या असल्या, तरी त्यांचा एकूण कार्यकाळ समाधानकारक असाच राहिला. दरम्यान, शिवराजसिंह यांनी मुख्यमंत्रिपदाची दहा वर्षे पूर्ण केल्याबद्दल भाजपाने रविवारी सायंकाळी विशेष कार्यक्रमाचे आयोजन केले होते.
मध्यप्रदेशात भाजपा २००३ मध्ये सत्तेवर आल्यानंतर चौहान यांनी २९ नोव्हेंबर २००५ रोजी पहिल्यांदा मुख्यमंत्रिपदाची शपथ घेतली होती. सुरुवातीच्या काळात म्हणजेच ८ डिसेंबर २००३ ते २२ ऑगस्ट २००४ या काळात उमा भारती यांच्याकडे मुख्यमंत्रिपद होते. त्यानंतर बाबुलाल गौड यांच्याकडे हे पद आले होते. २९ नोव्हेंबर २००५ रोजी त्यांनी या पदाचा राजीनामा दिला. गौड सध्या शिवराजसिंह मंत्रिमंडळात गृहमंत्री आहेत.
दिग्विजयसिंह हेदेखील सलग १९९३ ते २००३ या काळात मध्यप्रदेशचे मुख्यमंत्री राहिले असले, तरी त्यांनी दहा वर्षांची कारकीर्द पूर्ण केली नव्हती. पण, शिवराजसिंह यांनी ही कारकीर्द पूर्ण करून त्यांचा विक्रम मोडित काढला आहे.

Short URL: https://vrittabharati.in/?p=25851

Posted by on Nov 30 2015. Filed under ठळक बातम्या, म.प्रदेश, राज्य. You can follow any responses to this entry through the RSS 2.0. You can leave a response or trackback to this entry

Leave a Reply

Change Language: press Ctrl+g

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in ठळक बातम्या, म.प्रदेश, राज्य (1117 of 2452 articles)


नवी दिल्ली, [२९ नोव्हेंबर] - एलपीजी गॅस सिलेंडरधारकांसाठी आनंदाची बातमी आहे. आता घरपोच गॅस सिलेंडरसाठी ऑनलाईन पैसे भरण्याची सुविधा कंपन्यांतर्फे ...

×