Home » ठळक बातम्या, मराठवाडा » शोकसागरात बुडाले मुंडेंचे गाव

शोकसागरात बुडाले मुंडेंचे गाव

परळी वैजनाथ, [३ जून] – गोपीनाथ मुंडे यांच्या अपघाती निधनाचे वृत्त कळताच, मराठवाड्याच्या बीड जिल्ह्यातील परळी वैजनाथजवळ असलेले नाथ्रा हे त्यांचे गाव दु:खाच्या सागरात बुडाले. आपला लाडका नेता आता आपल्याला कधीच दिसणार नाही, या विचारानेच गावातील प्रत्येक व्यक्ती हळहळली होती.
मुंडे यांच्या निधनाचे वृत्त वार्‍यासारखे पसरले. आणि लोक समुहा-समुहाने रस्त्यावर येत होते. या वृत्तावर नाथ्रा आणि परळी वैजनाथमधील कुणाचाही विश्‍वास बसत नव्हता. पण, अखेर वास्तव त्यांना स्वीकारावे लागले. प्रत्येकाच्याच घरातील टीव्हीवर केवळ वृत्तवाहिन्यांचेच चॅनल सुरू होते. रस्त्यारस्त्यांवर लोक उभे राहून, ‘असे घडलेच कसे’ यावर विचार करीत होते. मागास समाजातील मुंडे यांचे शेकडो समर्थकही दु:खी होते. अनेकांच्या डोळ्यातून अश्रूच्या धारा वाहात होत्या. आज आपला लाडका नेता बीडमध्ये येणार, या बातमीमुळे प्रत्येक नागरिक आनंदी होता. परळीत आयोजित सत्कारानंतर मुंडे गावालाही भेट देतील, असा विश्‍वासही लोकांमध्ये होता. पण, मुंडे यांच्या निधनाचेच वृत्त येऊन धडकल्याने प्रत्येक जण हळहळला. मंगळवारची सकाळ इतकी दुर्दैवी राहील, असा विचारही कुणी कदाचित केला नसावा.

Short URL: https://vrittabharati.in/?p=13404

Posted by on Jun 3 2014. Filed under ठळक बातम्या, मराठवाडा. You can follow any responses to this entry through the RSS 2.0. You can leave a response or trackback to this entry

Leave a Reply

Change Language: press Ctrl+g

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in ठळक बातम्या, मराठवाडा (2420 of 2454 articles)


औरंगाबाद, [३ जून] - महाराष्ट्राच्या कानाकोपर्‍यात भाजपाची पाळेमुळे मजबूत करणारे आणि लोकसभा निवडणुकीतील विजयानंतर महाराष्ट्राचा गड सर करण्याचा जणू निर्धारच ...

×