Home » ठळक बातम्या, नागरी, राष्ट्रीय » २०३० नंतर जगात केवळ ६० टक्के पाणी!

२०३० नंतर जगात केवळ ६० टक्के पाणी!

=जागतिक जल दिन, संयुक्त राष्ट्रसंघाच्या पाहणीत इशारा=
world water dayनवी दिल्ली, [२० मार्च] – भूगर्भातील पाण्याची पातळी सातत्याने कमी होत आहे. अशा स्थितीत जगभरातील जल संसाधनांच्या वापरासंदर्भातील धोरणात आमूलाग्र बदल करण्यात आला नाही, तर २०३० पर्यंत जगाच्या एकूण गरजेच्या ६० टक्केच पाण्याचा साठा शिल्लक राहील, असा इशारा संयुक्त राष्ट्रसंघाने जागतिक जल दिनाच्या पार्श्‍वभूमीवर एका पाहणी अहवालातून दिला आहे.
जागतिक हवामानातील बदलामुळे पावसाचा लहरीपणा असाच वाढत जाणार आहे. भूगर्भातील जलसाठ्याचा फार जास्त उपसा होत असल्याने जगातील भूजल पातळीचाही मोठ्या प्रमाणात र्‍हास होत आहे. २०५० पर्यंत जगाची एकूण लोकसंख्या ९ अब्ज होण्याचा अंदाज असून, यामुळे वैयक्तिक वापरासह शेती व उद्योगांसाठी अधिकाधिक भूजल वापरण्याची आवश्यकता भासणार आहे. तेव्हा भूजल पातळी खालावत असताना २०५० पर्यंत पाण्याची जागतिक मागणी ५५ टक्क्यांनी वाढणार आहे. अशा स्थितीत जलसंसाधनाच्या धोरणात बदल न झाल्यास २०३० पर्यंत पाण्याच्या एकूण गरजेच्या ६० टक्केच पाणी वापरासाठी उपलब्ध राहील, असे या अहवालात म्हटले आहे.
मागणी आणि पुरवठा यात योग्य समतोल न साधल्यास जगाला पाण्याच्या भीषण समस्येचा सामना करावा लागेल, असा इशाराही या अहवालात देण्यात आला आहे. देशांनी आपापल्या धोरणांमध्ये सकारात्मक बदल घडवून आणल्यास, भविष्यात पाण्याच्या पुरेशा उपलब्धतेची शाश्‍वती असल्याचेही यात नमूद करण्यात आले आहे. अशाश्‍वत विकासाच्या वाटेवरील मार्गक्रमण आणि विविध देशांमधील सरकारांचे धोरणात्मक अपयश यामुळे जल संसाधनांच्या गुणवत्ता व उपलब्धतेवर नकारात्मक परिणाम झाला आहे. केवळ आर्थिक प्रगतीमुळे सर्वंकष सामाजिक प्रगती साधता येणार नाही, असा इशारा जागतिक जल दिनाच्या पार्श्‍वभूमीवर प्रकाशित करण्यात आलेल्या या अहवालाच्या माध्यमामधून देण्यात आला आहे.

Short URL: https://vrittabharati.in/?p=21624

Posted by on Mar 21 2015. Filed under ठळक बातम्या, नागरी, राष्ट्रीय. You can follow any responses to this entry through the RSS 2.0. You can leave a response or trackback to this entry

Leave a Reply

Change Language: press Ctrl+g

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in ठळक बातम्या, नागरी, राष्ट्रीय (1867 of 2453 articles)


=कोळसा घोटाळा= नवी दिल्ली, [२० मार्च] - लाखो कोटींच्या कोळणा खाणवाटप घोटाळ्याप्रकरणी विशेष सीबीआय न्यायालयाने आरोपी म्हणून हजर राहण्याचा समन्स ...

×