भारतासाठी सुवर्ण ठरलेल्या ऑलिम्पिकचा समारोप

Posted by वृत्तभारती Monday, August 9th, 2021

आता २०२४मध्ये भेटू पॅरिसला,
टोकियो, ८ ऑगस्ट – कोरोनाच्या सावटाखाली आयोजित ३२ व्या ऑलिम्पिक क्रीडा स्पर्धेचा समारोप सोहळा टोकियोच्या नॅशनल ऑलिम्पिक स्टेडियममध्ये प्रेक्षकांच्या अनुपस्थितीत पार पडला. चला पुढे जाऊ या आणि पुढील २०२४ पॅरिस ऑलिम्पिकमध्ये भेटू या, असा संदेश या सोहळ्याने दिला. १७ दिवस चाललेल्या ऑलिम्पिक क्रीडा स्पर्धेचा मागोवा घेणार्‍या एका व्हिडिओच्या सादरीकरणाने सांगता सोहळ्याची सुरुवात झाली. यावेळी डोळे दीपवणारी फटाक्यांची जोरदार आतषबाजी करण्यात आली.
आंतरराष्ट ?ीय ऑलिम्पिक समितीचे अध्यक्ष थॉमस बाक यांच्या हस्ते पुढील २०२४ सालचे ऑलिम्पिक यजमानपद भूषविणार्‍या पॅरिसच्या महापौर ऍनी हिलाल्गो यांच्याकडे ऑलिम्पिक ध्वज सोपविण्यात आला. समारोप समारंभात प्रथमच ध्वज हस्तांतरणाच्यावेळी पॅरिस २०२४ ऑलिम्पिकच्या सादरीकरणाचा भाग म्हणून पुढील यजमान फ्रान्सचे राष्ट ?गीत सादर करण्यात आले. क्लो डफ्रेस यांच्या मार्गदर्शनाखालील फ्रान्सच्या नॅशनल ऑर्केस्ट ?ाद्वारे राष्ट ?गीत सादर करण्यात आले. फ्रान्सचा अंतराळवीर थॉमस पेस्केटने अंतराळातून वाजवलेल्या त्याच्या सॅक्सोफोनवरील काही नोट२ससह राष्ट गीताची सांगता केली. चला पॅरिस २०२४ ऑलिम्पिकची सुरुवात करूया! एकत्र, ऑलिम्पिक खेळांचा एक नवीन अध्याय लिहू, असा संदेश यजमान फ्रान्सने यावेळी दिला.
तुम्ही आम्हाला या क्रीडा सामर्थ्याने प्रेरित केले. कोरोना महामारीमुळे तुम्हाला ज्या अनेक आव्हानांना सामोरे जावे लागले ते पाहता हे आणखी उल्लेखनीय होते. टोकियो ऑलिम्पिक-२०२० आशा, एकता आणि शांततेचे प्रतीक आहे, अशा शब्दात आयओसी अध्यक्ष थॉमस बाक यांनी आपल्या भाषणातून यजमान जपानचे कौतुक केले. यावेळी पथसंचलनात भारतीय पथकाचा ध्वजवाहक कांस्यपदक पटकावणारा कुस्तीपटू बजरंग पुनिया होता. या सोहळ्यात खेळाडूंच्या उपस्थिती संख्येवर कोणतीही मर्यादा नव्हती. सोहळ्यात दहा भारतीय अधिकार्‍यांचा सहभाग होता. रंगारंग सांस्कृतिक कार्यक्रमानंतर नॅशनल स्टेडियमला एखाद्या पार्कचे स्वरूप प्राप्त झाले. सर्व खेळाडू मैदानावर एकमेकांना भेटले. यावेळी बजरंग पुनिया, दीपक पुनिया व इतर खेळाडू सेल्फी काढण्यात व्यस्त दिसले.
पंतप्रधानांकडून भारतीय खेळाडूंचे अभिनंदन
टोकियो ऑलिम्पिकच्या पदक तालिकेत अमेरिकेने चीनला एका सुवर्णपदकाने मागे टाकले. अमेरिकेने ३९ सुवर्ण, तर चीनने ३८ सुवर्णपदके पटकावलीत. यजमान जपानने २७ सुवणारसह ५८ पदके जिंकून तिसरे स्थान मिळविले. भारताने १ सुवर्ण, २ रौप्य आणि ४ कांस्य अशा ७ पदकांसह एकूण ४८ वे स्थान मिळविले. मी भारतीय पथकाचे टोकियो ऑलिम्पिकमध्ये केलेल्या शानदार कामगिरीबद्दल अभिनंदन करतो. त्यांनी सर्वोत्तम कौशल्य, सांघिक कार्य आणि समर्पण व्यक्त केले. भारताचे प्रतिनिधित्व करणारा प्रत्येक खेळाडू विजेता आहे, असे पंतप्रधान नरेंद्र मोदी यांनी ट्विट केले.

• क्रीडा

Short URL : https://vrittabharati.in/?p=44111

Related posts