किमान तापमान : 28.91° C
कमाल तापमान : 29.99° C
तापमान विवरण : few clouds
आद्रता : 84 %
वायू वेग : 3.81 Mps
स्थळ : Mumbai, IN
29.99° C
27.32°C - 30.15°C
sky is clear27.94°C - 31.58°C
sky is clear28.2°C - 30.44°C
sky is clear27.88°C - 30.21°C
few clouds27.63°C - 29.87°C
sky is clear27.53°C - 29.77°C
sky is clearरायपूर, (११ ऑक्टोबर) – केवळ मतपेटीच्या राजकारणासाठी काँग्रेस कार्यकारिणीच्या बैठकीत इस्रायलवर झालेल्या हल्ल्याचा योग्य निषेधही करू शकली नाही, असा घणाघात भाजपाचे युवा खासदार तेजस्वी सूर्या यांनी बुधवारी येथे केला. राज्य लोकसेवा आयोगाच्या भरती प्रकि‘येत झालेल्या घोटाळा प्रकरणातही तेजस्वी सूर्या यांनी छत्तीसगडमधील रायपूर येथील स्वामी विवेकानंद विमानतळावर पत्रकारांशी चर्चा करताना काँग्रेसवर टीका केली. भाजयुमोने आयोजित केलेल्या एका कार्यशाळेला संबोधित करण्यासाठी सूर्या येथे आले होते. छत्तीसगडमध्ये विधानसभा निवडणूक ७ आणि १७ नोव्हेंबर अशा दोन टप्प्यांत होणार असून, मतमोजणी ३ डिसेंबर रोजी होईल.
इस्रायल-हमासमधील संघर्षाच्या दरम्यान, काँग्रेस कार्यकारिणीने सोमवारी झालेल्या बैठकीत पॅलेस्टाईन लोकांच्या जमीन, स्वशासन आणि सन्मानाने जगण्याच्या अधिकारांसाठी आपल्या दीर्घकालीन भूमिकेचा पुनरुच्चार केला तसेच युद्ध तातडीने थांबवून या मुद्यांवर वाटाघाटी करण्यात याव्या, असे म्हटले. हमासच्या मुद्यावर कार्यकारिणीत झालेल्या ठरावावर पक्षात कोणतेच मतभेद नाहीत आणि माजी पंतप्रधान अटलबिहारी वाजपेयी यांनी पॅलेस्टिनी लोकांच्या समर्थनाची आठवण काँग्रेसने भाजपाला करून दिली. सत्ताधारी पक्षाने इस्रायलमधील दहशतवादी हल्ल्याचा उल्लेख आपल्या ठरावात न केल्याबद्दल टीका केल्यानंतर काँग्रेसने ही भूमिका घेतली होती.
इस्रायलवरील हल्ला आणि भारताने त्याच्या केलेल्या निषेधाबाबत विचारले असता, इस्रायलमध्ये झालेला दहशतवादी हल्ला हा अभूतपूर्व आणि अत्यंत नृशंस आहे. लहान मुले आणि हजारो लोकांची अत्यंत क्रूरपणे हत्या करण्यात आली. आपण पॅलेस्टाईन आणि हमासच्या मुद्यावर गोंधळायला नको. लष्कर-ए-तोयबा किंवा इसिसप्रमाणेच हमास ही प्रतिबंधित दहशतवादी संघटना आहे. आजच्या सुसंस्कृत जगात दहशतवादासाठी संपूर्ण जगाने एक इंच जागाही देता कामा नये, असे सूर्या यांनी सांगितले.