आदित्य-एल१ नी दिली आनंदाची बातमी

Posted by वृत्तभारती Monday, September 18th, 2023

नवी दिल्ली, (१८ सप्टेंबर) – भारतीय अंतराळ संशोधन संस्था (इस्रो) ने भारताच्या पहिल्या सौर मिशन आदित्य-एल१ मिशनबाबत नवीन अपडेट दिले आहे. इस्रो ने म्हटले आहे की आदित्य-एल१ ने वैज्ञानिक डेटा गोळा करण्याचे काम सुरू केले आहे. इस्रोने ट्विटरवर आपल्या एका पोस्टमध्ये म्हटले आहे की, आदित्य-एल१ मध्ये स्थापित केलेल्या स्टेप्स उपकरणाच्या सेन्सर्सने पृथ्वीपासून ५० हजार किमी पेक्षा जास्त अंतरावर सुपर-थर्मल आणि ऊर्जावान आयन आणि इलेक्ट्रॉन मोजण्यास सुरुवात केली आहे.
इस्रोच्या म्हणण्यानुसार, आदित्य-एल१ जो डेटा गोळा करेल तो शास्त्रज्ञांना पृथ्वीभोवतीच्या कणांच्या वर्तनाचे विश्लेषण करण्यास मदत करेल. ही आकृती एका युनिटद्वारे एकत्रित केलेल्या ऊर्जावान कण वातावरणातील फरक दर्शवते. आदित्य-एल१ ने आतापर्यंत चार वेळा कक्षा बदलली आहे (३ सप्टेंबर, ५ सप्टेंबर, १० सप्टेंबर आणि १५ सप्टेंबर). आता पाचव्यांदा १९ सप्टेंबरला त्याची कक्षा बदलणार आहे. इस्रोच्या मते, आदित्य एल१ ची नवीन कक्षा २५६ किमी ु १२१९७३ किमी आहे. म्हणजेच, पृथ्वीपासून ते ज्या कक्षेत आहे त्या कक्षेतील किमान अंतर २५६ किमी आणि कमाल अंतर १२१९७३ किमी आहे. आदित्य एल-१ हे २ ऑगस्ट रोजी सकाळी ११.५० वाजता आंध्र प्रदेशातील श्रीहरिकोटा येथील सतीश धवन अंतराळ केंद्रातून प्रक्षेपित करण्यात आले. ही भारताची पहिली सूर्य मोहीम आहे. यामुळे शास्त्रज्ञांना सूर्याचे रहस्य समजण्यास मदत होईल.

• राष्ट्रीय

Short URL : https://vrittabharati.in/?p=55291

Related posts