Home » आंध्र, ठळक बातम्या, राज्य » आंध्रच्या नव्या राजधानीचा आज शिलान्यास

आंध्रच्या नव्या राजधानीचा आज शिलान्यास

=पंतप्रधान मोदी उपस्थित राहणार=
andhra-pradesh new capital Amaravathiअमरावती, [२१ ऑक्टोबर] – आंध्रप्रदेशची नवी राजधानी म्हणून गुंटूर जिल्ह्यातील अमरावतीची निवड करण्यात आल्यानंतर नव्या राजधानीचा शिलान्यास समारंभ उद्या गुरुवारी पंतप्रधान नरेंद्र मोदी यांच्या हस्ते करण्यात येणार आहे.
आंध्रातील एन. चंद्राबाबू नायडू सरकारने यासाठी भव्य कार्यक्रमाचे आयोजन केले आहे. कृष्णा नदीच्या किनार्‍यावर वसलेल्या उदंडरायुनीपालम या गावात होणार्‍या या सोहळ्यात किमान चार ते पाच लाख लोकांची उपस्थिती अपेक्षित आहे, अशी माहिती राज्य सरकारचे सल्लागार पी. प्रभाकर यांनी वृत्तसंस्थेशी बोलताना दिली.
या कार्यक्रमात पंतप्रधान मोदी सुमारे दीड तास उपस्थित राहणार आहेत. विजयवाडा येथून ४० किलोमीटर अंतरावर असलेल्या या नव्या राजधानीचा शिलान्यास त्यांच्या हस्ते करण्यात येणार आहे. यावेळी अमरावती शहर भूतकाळात कसे होते, सध्या कसे आहे आणि राजधानी म्हणून भविष्यात ते कसे विकसित होणार आहे, याचे सादरीकरण मोदी यांच्यापुढे करण्यात येणार आहे.
राज्य सरकारने या समारंभासाठी काही केंद्रीय मंत्री राज्यांचे मुख्यमंत्री, देशभरातील महत्त्वाचे राजकीय नेते, नामवंत व्यक्ती, उद्योगपती आणि विदेशी मान्यवरांनाही निमंत्रित केले आहे. यात सिंगापूर आणि जपानमधील मंत्री व निवडक शिष्टमंडळाचाही समावेश आहे.

Short URL: https://vrittabharati.in/?p=25245

Posted by on Oct 22 2015. Filed under आंध्र, ठळक बातम्या, राज्य. You can follow any responses to this entry through the RSS 2.0. You can leave a response or trackback to this entry

Leave a Reply

Change Language: press Ctrl+g

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in आंध्र, ठळक बातम्या, राज्य (1303 of 2452 articles)


=राजनाथसिंह यांचे आवाहन= नवी दिल्ली, [२१ ऑक्टोबर] - विविध धर्म, परंपरा आणि संस्कृतींनी नटलेल्या आपल्या देशात एकमेकांच्या समाजाविषयी द्वेषभावनांना कुठेही ...

×