कोरोना प्रतिबंधक गोळीला ब्रिटनची मान्यता

Posted by वृत्तभारती Saturday, November 6th, 2021

अमेरिकेत होणार ३० ला बैठक,
लंडन, ५ नोव्हेंबर – औषधनिर्माण क्षेत्रातील कंपनी मर्कच्या कोरोना प्रतिबंधक औषधाला ब्रिटनने मंजुरी दिली आहे. हे औषध गोळी स्वरूपात आहे. आतापर्यंत कोरोनाच्या उपचारात इंजेक्शन द्यावे लागत होते. त्यामुळे जगातील पहिल्या कोरोना प्रतिबंधक गोळीला मान्यता देणारा ब्रिटन हा पहिला देश ठरला आहे.
अमेरिकेच्या मर्क व रिजबॅक बायोथेराप्यूटिकने संयुक्तपणे हे औषध विकसित केले आहे. ब्रिटनच्या मेडिकल व हेल्थकेअर प्रोडक्ट रेग्युलेटरी एजन्सी एमएचआरए मोलोनुपिरावीरच्या वापरास परवानगी दिली असून, ब्रिटनमध्ये हे औषध लागेब्रायो नावाने विकले जाणार आहे. या औषधाचा वापर कोरोनाचे हलके आणि गंभीर प्रकारचे संक्रमण असलेल्यासाठी होणार आहे.
कोरोना चाचणीचा अहवाल सकारात्मक आल्यानंतर हे औषध देता येईल. या संदर्भात ३० नोव्हेंबर रोजी अमेरिकेतील सल्लागारांची एक बैठक होणार असून, त्यात या औषधाची सुरक्षा व प्रभावीपणा यावर समीक्षा केली जाणार आहे. गेल्या महिन्यात अमेरिकेच्या एफडीएकडे कंपनीने या औषधाच्या वापरला मान्यता मागितली होती. त्याला मंजुरी मिळाली आहे.
मर्कचे सीईओ आणि अध्यक्ष रोबर्ट डेव्हीस म्हणाले की, कोरोनासाठी हे महत्त्वाचे औषध ठरेल आणि जागतिक पातळीवर त्याचा चांगला उपयोग होऊ शकेल. या गोळीच्या तिसर्‍या टप्प्यातील चाचण्या अमेरिका, ब्राझील, इटली, जपान, द. आफ्रिका, तैवान व ग्वाटेमाला येथे घेतल्या जात असून, साईटवर हे परीक्षण सुरू आहे असेही समजते.

• आंतरराष्ट्रीय

Short URL : https://vrittabharati.in/?p=45877

Related posts