महाराष्ट्रातील ७६ पोलिसांना पदके जाहीर

Posted by वृत्तभारती Monday, August 14th, 2023

-३ अधिकार्यांना राष्ट्रपती पदक; ३३ पोलिसांना शौर्य,
-अमरावतीच्या नाईकनवरे यांचा समावेश,
नवी दिल्ली, (१४ ऑगस्ट) – पोलिस सेवेत उल्लेेखनीय कार्यासाठी महाराष्ट्रातील प्रवीण सांळुके, विनय चौबे आणि जयंत नाईकनवरे या पोलिस अधिकार्यांना विशिष्ट सेवेसाठी राष्ट्रपती पोलिस पदके जाहीर करण्यात आली. तसेच ३३ पोलिसांना शौर्य पदके आणि ४० पोलिसांना गुणवत्तापूर्ण सेवेसाठी पोलिस पदके असे राज्यातील एकूण ७६ पोलिसांना पदके जाहीर कण्यात आली आहेत. जयंत नाईकनवरे अमरावतीचे आहेत.
राष्ट्रपती पोलिस शौर्य पदक आणि पोलिस शौर्य पदक, जीवन आणि मालमत्ता यांचे संरक्षण, गुन्हेगारीला पायबंद आणि गुन्हेगारांना अटक करताना उल्लेखनीय शौर्यासाठी दिले जाते. विशिष्ट सेवेसाठी राष्ट्रपती पोलिस पदके दिली जातात. यावर्षी देशभरातील ९५४ पोलिसांना पोलिस पदके जाहीर करण्यात आली आहेत. विशिष्ट सेवेसाठी राष्ट्रपती पोलिस पदकांमध्ये राज्याचे अतिरिक्त पोलिस महासंचालक प्रवीण साळुंके, पिंपरी चिंचवडचे पोलिस आयुक्त विनयकुमार चौबे आणि अमरावतीचे विशेष पोलिस महानिरीक्षक जयंत नाईकनवरे यांचा समावेश आहे.
गुणवत्तापूर्ण सेवेसाठी पोलिस पदके ४० पोलिसांना जाहीर झाले. यात प्रवीणकुमार पडवळ (पोलिस सहआयुक्त, मुंबई), विजय पाटील (उप महानिरीक्षक, एसीबी, मुंबई), राजेश वाघ, अरुण सावंत, बाळकृष्ण हनपुडे पाटील, अधिकराव पोळ, माया मोरे, आनंद वाघ, संजू जॉन, सुभाष दूधगावकर, तन्वीर शेख, मनीषा नलावडे, विकास घोडके, अनिल काटके, व्यंकटेश पलकुर्ती, वलू लाभाडे, अरुणकुमार सपकाळ, संजय जाधव, उमर शेख, रविकांत कदम, प्रदीप तांगडे, द्वारकादास चिखलीकर, चंद्रकांत साळुंके, दिनेश म्हात्रे, मोहम्मद अस्लम शेख हमीद शेख, सुनील नवार, संजय माळी, अंबादास हुलगे, शामराव गडाख, मोहन डोंगरे, नागनाथ फुटाणे, विजय आवकीरकर, भानुदास पवार, अशोक लांडे, भास्कर कदम, गुरुनाथ गोसावी, जगदीश भुजाडे, विजय बावीस्कर, कैलास नागरे आणि महादेव पाटील यांचा समावेश आहे.

• महाराष्ट्र

Short URL : https://vrittabharati.in/?p=54067

Related posts