शिल्पकार अरुण योगीराज यांचा व्हिसा अमेरिकेने नाकारला

Posted by वृत्तभारती Saturday, August 17th, 2024

बंगळूरू, (१७ ऑगस्ट) – अयोध्येतील राम मंदिरात रामलल्लाची सूंदर मूर्ती घडविणार कर्नाटकच्या म्हैसूर येथील मूर्तीकार अरुण योगीराज यांना अमेरिकेने व्हिसा नाकारला आहे. अमेरिकेतील व्हर्जिनिया येथे बारावी जागतिक कन्नड परिषद ३० ऑगस्ट ते १ सप्टेंबर दरम्यान होणार आहे. या परिषदेसाठी अरुण योगीराज उपस्थित राहणार होते. मात्र त्यांचा व्हिसा नाकारला गेल्यामुळे ते आता अमेरिकेला जाऊ शकणार नाहीत. शिल्पकार अरुण योगीराज, त्यांची पत्नी आणि मुलांचा अमेरिकेचा व्हिसा नाकारण्यात आला आहे. मात्र, दूतावासाने व्हिसा नाकारण्याचे कारण दिलेले नाही. हा टूरिस्ट व्हिसा होता.
म्हैसूरस्थित शिल्पकाराने यावर्षी जानेवारी महिन्यात अयोध्येत नव्याने बांधलेल्या मंदिरात स्थापित ‘राम लल्ला’ची मूर्ती साकारली होती. अयोध्येतील भव्य अभिषेक सोहळ्यासाठी ते निमंत्रितांपैकी एक होते. म्हैसूर विद्यापीठातून एमबीए केलेले अरुण योगीराज यांनी एका खासगी कंपनीच्या मानव संसाधन विभागात सहा महिने प्रशिक्षण घेतले, परंतु त्यांनी आपली खाजगी नोकरी सोडून कौटुंबिक परंपरा पुढे नेण्यासाठी म्हैसूरला परत आले.
अरुण योगीराज यांनी यापूर्वी केदारनाथमध्ये स्थापित केलेला आदि शंकराचारांचा १२ फूट उंच पुतळा आणि दिल्लीतील इंडिया गेटजवळ स्थापित सुभाषचंद्र बोस यांचा पुतळाही तयार केला होता. अरुण योगीराज यांनी म्हैसूर जिल्ह्यातील चुंचनकट्टे येथे २१ फूट उंच हनुमानाची मूर्ती साकारली, डॉ. बाबासाहेब आंबेडकरांचा १५ फूट उंच पुतळा, म्हैसूरमधील स्वामी रामकृष्ण परमहंस यांचा पांढरा अमृतशीला पुतळा आणि नंदीची ६ फूट उंचीची अखंड पुतळाही तयार करण्यात आला आहे.
अरुण योगीराज यांनी माध्यमांशी बोलताना सांगितले की, व्हिसा मिळविण्यासाठी जे कागदपत्रे लागतात, ती सर्व आम्ही पुरविली होती. तरीही व्हिसा का नाकारण्यात आला, याची कोणतीही माहिती सध्या देण्यात आलेली नाही.

• राष्ट्रीय

• अमेरिकेने व्हिसा नाकारला
• अयोध्येतील राम मंदिरात रामललाचा अभिषेक पूर्ण
• आदि शंकराचारांचा १२ फूट उंच पुतळा
• टूरिस्ट व्हिसा
• डॉ. बाबासाहेब आंबेडकरांचा 15 फूट उंच पुतळा
• नंदी
• बारावी जागतिक कन्नड परिषद
• म्हैसूर विद्यापीठ
• म्हैसूरमधील स्वामी रामकृष्ण परमहंस यांचा पांढरा अमृतशीला पुतळा
• म्हैसूरस्थित शिल्पकार
• शिल्पकार अरुण योगीराज
• शिल्पकार अरुण योगीराज यांचा व्हिसा अमेरिकेने नाकारला
• सुभाषचंद्र बोस यांचा पुतळा
• हनुमानाची मूर्ती

Short URL : https://vrittabharati.in/?p=61130

Related posts