किमान तापमान : 28.56° C
कमाल तापमान : 28.85° C
तापमान विवरण : scattered clouds
आद्रता : 81 %
वायू वेग : 5.35 Mps
स्थळ : Mumbai, IN
28.85° C
28.72°C - 30.59°C
sky is clear28.09°C - 30.43°C
sky is clear27.96°C - 30.27°C
sky is clear27.6°C - 29.85°C
sky is clear27.94°C - 30.15°C
few clouds27.93°C - 29.93°C
few clouds-लष्कर तैनात; कच्छ, पोरबंदर, अमरेली, गिर सोमनाथ आणि द्वारका जिल्ह्यांमध्ये पुराचा इशारा,
अहमदाबाद, (१५ जून) – बिपरजॉय चक्रीवादळापासून बचावासाठी गुजरात सरकार युद्धपातळीवर तयारी करत आहे. हे वादळ गुरुवारी गुजरातच्या कच्छ जिल्ह्यातील जाखाऊ बंदराजवळील किनारपट्टीवर धडकण्याची शक्यता आहे. त्यामुळे समुद्रकिनारी राहणार्या ३० हजार लोकांना तात्पुरत्या मदत छावण्यांमध्ये हलवण्यात आले आहे. दोन दिवस शाळा बंद आहेत. वादळाच्या पार्श्वभूमीवर आठ राज्यांना सतर्कतेचा इशारा देण्यात आला आहे. एनडीआरएफच्या १७ तुकड्या मदत आणि बचाव कार्यासाठी तैनात करण्यात आल्या आहेत. भारतीय हवामान खात्याने गुजरात, राजस्थान, मध्य प्रदेश, केरळ, तामिळनाडू, कर्नाटक, महाराष्ट्र, गोवा, लक्षद्वीप इत्यादींसह अनेक राज्ये आणि केंद्रशासित प्रदेशांसाठी इशारे जारी केले आहेत. गुजरातमध्ये १६ जूनपर्यंत सागरी मासेमारीवर बंदी घालण्यात आली आहे. बंदरे बंद करण्यात आली आहेत. बंदरात उभी असलेली जहाजे समुद्रात पाठवण्यात आली आहेत. चक्रीवादळामुळे समुद्रात उंच लाटा उसळत आहेत.
परिसरात जोरदार वार्यासह मुसळधार पाऊस पडण्याची शक्यता आहे.चक्रीवादळामुळे गुजरातमधील कच्छ, पोरबंदर, अमरेली, गिर सोमनाथ आणि द्वारका जिल्ह्यात एनडीआरएफ च्या १७ तुकड्या गुजरातमध्ये तैनात करण्यात आल्या आहेत. कच्छमध्ये चार, द्वारका आणि राजकोटमध्ये प्रत्येकी तीन, जामनगरमध्ये दोन आणि पोरबंदरमध्ये एक पथक तैनात करण्यात आले आहे. द्वारका, गुजरातमध्ये ४०० हून अधिक निवारागृहे बांधण्यात आली आहेत. या निवारागृहांमध्ये लोकांची राहण्याची सोय केली जात आहे. गुजरातमधील वादळाच्या पार्श्वभूमीवर भाजीपाला आणि दुधासह जीवनावश्यक वस्तूंचे सर्वसामान्यांना वाटप करण्यात आले आहे. गुजरातमधील समुद्रात बुधवारी सकाळी भरती-ओहोटी दिसून आली. बिपरजॉय चक्रीवादळामुळे राजस्थानच्या काही भागात वादळ आणि मुसळधार पाऊस पडण्याची शक्यता आहे. हवामान खात्याच्या म्हणण्यानुसार, १५ जून रोजी चक्रीवादळाच्या प्रभावामुळे राजस्थानच्या जोधपूर आणि उदयपूर विभागात वादळ पाऊस पडण्याची शक्यता आहे. १६ जून रोजी नैऋत्य राजस्थानमध्ये ४५ ते ५५ किमी प्रतितास वेगाने वारे वाहू शकतात. जोधपूर, उदयपूर आणि अजमेर विभाग आणि लगतच्या भागात १७ जूनपर्यंत मुसळधार पाऊस सुरू राहण्याची शक्यता आहे.
कच्छ, पोरबंदर, जुनागड, द्वारकामध्ये पावसाचा इशारा
चक्रीवादळ बिपरजॉय दोन दिवसांनंतर १५ जून रोजी गुजरातमध्ये पोहोचण्याची शक्यता आहे. राज्य सरकारने वादळाच्या संदर्भात सविस्तर आराखडा तयार केला असून त्याअंतर्गत प्रशासनाने किनारपट्टीलगत राहणार्या ७,५०० लोकांना सुरक्षित स्थळी पाठवले आहे. दुसर्या दिवशी १६ जून रोजी हे वादळ दक्षिण पश्चिम राजस्थानमध्ये दाखल होण्याची शक्यता आहे. त्याचा धोका लक्षात घेता, उत्तर पश्चिम रेल्वे च्या काही रेल्वे सेवा रद्द करण्यात आल्या आहेत.
दुसरीकडे, भारतीय हवामान विभागाच्या आकडेवारीनुसार बिपरजॉय हे अरबी समुद्रातील सर्वात जास्त काळ टिकणारे चक्रीवादळ बनू शकते. हवामान खात्याचे म्हणणे आहे की १९६५ नंतर जूनमध्ये गुजरातमध्ये धडकणारे हे तिसरे चक्रीवादळ असेल.