नेल्सन मंडेलाच्या प्रेरणेने बदलला ‘तो’ निर्णय!

Posted by वृत्तभारती Friday, February 10th, 2023

नवी दिल्ली, (१० फेब्रुवारी ) – दक्षिण आफ्रिकेचे राष्ट्राध्यक्ष सिरिल रामाफोसा यांनी केपटाऊनमधील त्यांच्या वार्षिक ‘स्टेट ऑफ द नेशन’ भाषणात देशाच्या वीज संकटामुळे आपत्तीची स्थिती घोषित केली. यादरम्यान रामाफोसा यांनी असेही सांगितले की ते पद सोडण्याचा विचार करत होते परंतु आता त्यांना माजी राष्ट्राध्यक्ष नेल्सन मंडेला यांच्याकडून प्रेरणा मिळाली आहे, त्यानंतर त्यांनी या पदावर राहण्याचा निर्णय घेतला आहे.
रामाफोसा म्हणाले की त्यांचे सरकार आणि पक्ष, आफ्रिकन नॅशनल काँग्रेस या संकटाचा सामना करत असताना, त्यांच्या विवेकाने त्यांना पदावर राहण्यास सांगितले. गेल्या वर्षी डिसेंबरमध्ये अशा चर्चा होत्या की सिरिल रामाफोसा अध्यक्षपदाचा राजीनामा देऊ शकतात. खरं तर, स्वतंत्र पॅनेलच्या अहवालात असा दावा करण्यात आला आहे की अध्यक्ष सिरिल रामाफोसा यांनी भ्रष्टाचारविरोधी कायद्याच्या अनेक कलमांचे उल्लंघन केले आहे. रामाफोसा यांच्या खासगी गेम फार्ममधून मोठ्या प्रमाणात रोकड चोरट्यांनी चोरून नेली. रामाफोसा यांनी तक्रार दाखल केली नव्हती आणि रोकड कुठून आली याबाबत रामाफोसा समाधानकारक उत्तर देऊ शकले नाहीत. यावरून रामाफोसा यांना मोठ्या टीकेला सामोरे जावे लागले. महाभियोगाच्या कार्यवाहीदरम्यान, रामाफोसा यांना काही संसद सदस्यांनी पक्षाची सीमा ओलांडून पाठिंबा दिला होता, ज्यामुळे रामाफोसा विरुद्ध महाभियोगाची कार्यवाही होऊ शकली नाही. आता रामाफोसा यांनीही राजीनामा देण्याचा विचार सोडला आहे. त्याचवेळी रामाफोसा यांनी वीज संकटाचा सामना करण्यासाठी वीज मंत्र्यांची नियुक्ती केली आहे.

• राष्ट्रीय

Short URL : https://vrittabharati.in/?p=48852

Related posts