सहारा इंडिया समूहाचे प्रमुख सहश्री सुब्रत रॉय यांचे निधन

Posted by वृत्तभारती Wednesday, November 15th, 2023

मुंबई, (१५ नोव्हेंबर) – सहारा इंडिया समूहाचे प्रमुख सहश्री सुब्रत रॉय सहारा यांचे मंगळवारी निधन झाले. मुंबईत त्यांनी अखेरचा श्वास घेतला. ते बरेच दिवस आजारी होते. सहारा परिवाराचे प्रमुख सहश्री सुब्रत रॉय दीर्घकाळापासून दुर्धर आजाराने त्रस्त होते. त्यांच्यावर मुंबईतील खासगी रुग्णालयात उपचार सुरू होते. बुधवारी त्यांचे पार्थिव लखनौमधील सहारा शहरात आणले जाईल, जिथे त्यांना श्रद्धांजली वाहण्यात येईल. राय यांच्या निधनावर व्यापारी आणि राजकीय क्षेत्रातील दिग्गजांनी शोक व्यक्त केला आहे.
सहारा समुहाने एक निवेदन जारी करून म्हटले आहे की, आम्ही दु:खासह, व्यवस्थापकीय कार्यकर्ता आणि सहारा इंडिया परिवाराचे अध्यक्ष सुब्रत रॉय सहारा यांच्या निधनाची घोषणा करत आहोत. द्रष्टे आणि प्रेरणादायी व्यक्तिमत्वाचे मालक सहारा श्री यांचे रात्री १०.३० वाजता हृदयविकाराच्या झटक्याने निधन झाले. निवेदनात म्हटले आहे की, राय हे शरीरात पसरलेल्या कर्करोगाशी झुंज देत होते. याशिवाय त्यांना रक्तदाब आणि मधुमेहाचा त्रासही होता. १२ नोव्हेंबर रोजी त्यांची प्रकृती खालावल्याने त्यांना कोकिला बेन रुग्णालयात दाखल करण्यात आले होते.
सुब्रत रॉय सहारा यांचा जन्म १० जून १९४८ रोजी झाला. ते भारतातील आघाडीचे व्यापारी आणि सहारा इंडिया परिवाराचे संस्थापक होते. त्यांना देशभरात ’सहरश्री’ म्हणूनही ओळखले जात होते. बिहारच्या अररिया जिल्ह्यात जन्मलेल्या सुब्रत रॉय यांनी आपले प्राथमिक शिक्षण कोलकाता येथील होली चाइल्ड स्कूलमधून पूर्ण केले. यानंतर त्यांनी गोरखपूरच्या शासकीय तांत्रिक संस्थेतून मेकॅनिकल इंजिनीअरिंगचा डिप्लोमा केला. सहश्रीने १९७८ मध्ये गोरखपूर येथून व्यवसाय सुरू केला आणि सहारा इंडिया परिवाराची स्थापना केली. २०१२ मध्ये, इंडिया टुडे मासिकाने भारतातील १० सर्वात श्रीमंत व्यक्तींमध्ये सुब्रत रॉय यांचा समावेश केला होता. आज सहारा समूह गृहनिर्माण, मनोरंजन, मीडिया, किरकोळ आणि आर्थिक सेवा यासारख्या विविध क्षेत्रांमध्ये आघाडीची भूमिका बजावत आहे. एका अहवालानुसार, सहारा समूहाची जून २०१० पर्यंत सुमारे १,०९,२२४ कोटी रुपयांची मालमत्ता होती. फोर्ब्सच्या यादीनुसार राय हे वैयक्तिक संपत्तीच्या बाबतीत देशातील सर्वात श्रीमंत व्यक्ती होते. देशातील व्यावसायिक दिग्गजांमध्ये गणले जाणारे राय यांची एकूण संपत्ती सुमारे ३ अब्ज (रु. २४८८२ कोटी) होती.

• राष्ट्रीय

• सहश्री सुब्रत रॉय यांचे निधन
• सहारा इंडिया समूह
• सहारा इंडिया समूहाचे प्रमुख सहश्री सुब्रत रॉय यांचे निधन
• सुब्रत रॉय
• सुब्रत रॉय यांचे निधन

Short URL : https://vrittabharati.in/?p=57628

Related posts