अफगाण निर्वासितांना पाकिस्तान सोडण्याचा अल्टिमेटम जारी

Posted by वृत्तभारती Wednesday, October 4th, 2023

इस्लामाबाद, (०४ ऑक्टोबर) – पाकिस्तान सरकारने अफगाणांसह अनधिकृत परदेशी नागरिकांना ३१ ऑक्टोबरपर्यंत देश सोडण्याचा अल्टिमेटम दिला आहे आणि जे या कालावधीत देश सोडणार नाहीत, त्यांची मालमत्ता पाकिस्तान सरकार जप्त करेल आणि त्यांना नोव्हेंबरपासून जबरदस्तीने देशाबाहेर काढेल.
एका वृताच्या माहितीनुसार, १ नोव्हेंबरपासून हद्दपारी आणि मालमत्ता जप्ती सुरू होईल. पाकिस्तानचे पंतप्रधान अन्वारुल हक काकर यांच्या अध्यक्षतेखाली मंगळवारी झालेल्या राष्ट्रीय कृती योजनेच्या सर्वोच्च समितीच्या बैठकीत पाकिस्तानच्या अंतरिम सरकारने हा निर्णय घेतला आहे. बैठकीनंतर कार्यवाहक माहिती मंत्री मुर्तझा सोलंगी यांनी ट्विटरवर घोषणा केली की, सर्व अवैध स्थलांतरितांना पाकिस्तान सोडण्यासाठी २८ दिवसांचा अवधी आहे. या बैठकीला लष्करप्रमुख जनरल असीम मुनीर, केंद्रीय मंत्री, मुख्यमंत्री आणि राज्यांचे प्रमुख उपस्थित होते. पाकिस्तानच्या एका वृतानुसार , त्यांनी बेकायदेशीर स्थलांतरितांच्या मालकीच्या व्यवसाय, मालमत्तांवर कठोर कारवाई करण्याचा निर्णय घेतला आहे. म्हणजेच त्यांची दुकाने किंवा त्यांचा कोणताही व्यवसाय पाकिस्तान सरकारच्या ताब्यात जाईल आणि ते जप्त केले जातील.
एका अहवालात असेही म्हटले आहे की समितीने असेही ठरवले आहे की सीमापार हालचाली केवळ व्हिसा आणि पासपोर्ट धारकांपुरत्या मर्यादित असतील आणि ३१ ऑक्टोबरपर्यंत अफगाण नागरिकांना त्यांच्या ओळखपत्राच्या आधारेच देशात प्रवेश दिला जाईल. पाकिस्तानचे कार्यवाहक गृहमंत्री सरफराज बुगती यांनी प्रसारमाध्यमांना सांगितले की, सुमारे १७ लाख ३० हजार अफगाण निर्वासित कोणत्याही प्रमाणपत्राशिवाय पाकिस्तानात राहतात, त्यांना देशातून बाहेर काढले जाईल. जानेवारीपासून देशात झालेल्या २४ आत्मघातकी हल्ल्यांपैकी १४ अफगाण नागरिकांनी केल्याचा दावाही त्यांनी केला.
बुगती म्हणाले की, १० ते ३१ ऑक्टोबर दरम्यान ई-तजकिरा स्वीकारल्या जातील, त्यानंतर व्हिसा आणि पासपोर्ट धोरण लागू होईल. १ नोव्हेंबरच्या अंतिम मुदतीनंतर, पाकिस्तानी अधिकारी बेकायदेशीर मालमत्ता मालक आणि स्थलांतरितांच्या मालकीच्या व्यवसायांना लक्ष्य करण्यास सुरुवात करतील. आमच्या गुप्तचर संस्था आणि एलईए त्यांना शोधून काढतील आणि अधिकारी त्या मालमत्ता आणि व्यवसाय जप्त करतील आणि जो कोणी पाकिस्तान, अफगाण लोकांना मदत करेल, त्या पाकिस्तानी लोकांना कायद्यानुसार शिक्षा होईल, बुगती म्हणाले, डॉनने वृत्त दिले. अनेक तज्ज्ञांचे म्हणणे आहे की, पाकिस्तान हे पैशासाठी करत आहे, कारण १७ लाख अफगाण लोकांना बाहेर काढण्याचे काम सुरू झाले तर परिस्थिती आणखी बिकट होईल आणि अशा वेळी पाकिस्तान त्या अफगाणांना देशात ठेवण्यासाठी आंतरराष्ट्रीय समुदायाला मदत करेल. कडून पैसे मागू शकतात.

• आंतरराष्ट्रीय

Short URL : https://vrittabharati.in/?p=56008

Related posts