धार्मिक स्थळांवरील लाऊडस्पीकर हटविण्याची मोहीम सुरू

Posted by वृत्तभारती Monday, November 27th, 2023

– योगी आदित्यनाथ यांच्या सरकारची उत्तर प्रदेशात कारवाई,
लखनौ, (२७ नोव्हेंबर) – योगी आदित्यनाथ यांच्या सरकारने उत्तर प्रदेशात पुन्हा एकदा लाऊडस्पीकरच्या तारा तोडण्यास सुरुवात केली आहे. प्रशासनाचे पथक कृतीत उतरले असून अनेक जिल्ह्यांमध्ये लाऊडस्पीकर हटविण्याची मोहीम सुरू करण्यात आली आहे. आग्रा, फिरोजाबाद आणि आंबेडकर नगर येथील धार्मिक स्थळांवर लावलेले लाऊडस्पीकर हटवण्यात आले आहेत. उत्तर प्रदेशमध्ये धार्मिक स्थळांवर लाऊडस्पीकर लावण्यावर आणि मोठ्या आवाजात वाजवण्यावर आधीच बंदी आहे. मुख्यमंत्री योगी आदित्यनाथ वेळोवेळी या प्रश्नाचा आढावा घेत आहेत. लाऊडस्पीकर अजिबात मान्य नसल्याचा त्यांचा आदेश स्पष्ट झाला आहे. मात्र, नंतर अनेक ठिकाणी लाऊडस्पीकर पुन्हा लावण्यात आले. आता उत्तर प्रदेशात यासंदर्भातील मोहीम पुन्हा सुरू झाली आहे.
आग्रा पोलिसांनी सोमवारी अनेक धार्मिक आणि सार्वजनिक ठिकाणी लावलेले बेकायदेशीर लाऊडस्पीकर हटवले. याशिवाय सुमारे ४०५ ध्वनिक्षेपकांची तपासणी करण्यात आली. यावेळी पोलिसांनी कारवाई करत सुमारे १८७ अवैध ध्वनीक्षेपक हटवले. फिरोजाबादमध्येही पोलिसांनी मोहीम राबवली असून अनेक ठिकाणचे लाऊडस्पीकर हटवण्यात आले आहेत. एसएसपींच्या निर्देशानुसार जिल्ह्यातील पोलिसांनी ही कारवाई केली. याशिवाय आंबेडकरनगरमध्ये पोलिसांनी एकाच वेळी अनेक मशिदींतील विनापरवाना लावलेले लाऊडस्पीकर हटवण्याची मोहीम राबवली. गेल्या वर्षी लाऊडस्पीकरचा मुद्दा देशभर गाजला होता. यावर बरेच राजकारण झाले. मात्र, उत्तर प्रदेशच्या योगी सरकारने कोणताही वाद न करता संपूर्ण राज्यातून बेकायदा लाऊडस्पीकर हटवण्याची मोहीम सुरू केली होती. यासोबतच कायदेशीर ठिकाणी लाऊडस्पीकरचा आवाज विहित मर्यादेपर्यंत मर्यादित ठेवण्यात आला होता. २५ एप्रिलपासून सुरू झालेली ही मोहीम १ मे पर्यंत चालली.

• राज्य

• उत्तर प्रदेश
• धार्मिक स्थळांवरील लाऊडस्पीकर हटविण्याची मोहीम सुरू
• मुख्यमंत्री योगी आदित्यनाथ यांनी कठोर कारवाई करावी
• योगी आदित्यनाथ
• योगी आदित्यनाथ यांच्या सरकारची उत्तर प्रदेशात कारवाई
• योगी सरकार
• लाऊडस्पीकर हटविण्याची मोहीम

Short URL : https://vrittabharati.in/?p=58069

Related posts