नेहरूंच्या चुकीमुळे पीओके निर्माण झाला: अमित शहा यांचा घणाघात

Posted by वृत्तभारती Wednesday, December 6th, 2023

– गृहमंत्री अमित शाह यांच्या भाष्यावरून लोकसभेत चर्चेचा विस्फोट,
नवी दिल्ली, (०६ डिसेंबर) – गृहमंत्री अमित शहा यांनी बुधवारी लोकसभेत जम्मू आणि काश्मीर आरक्षण (दुरुस्ती) विधेयक, २०२३ आणि जम्मू आणि काश्मीर पुनर्रचना (सुधारणा) विधेयक, २०२३ सादर केले. आपले म्हणणे मांडताना शाह म्हणाले की, कलम ३७० हटवल्यानंतर राज्यातील दहशतवादी घटनांमध्ये ७० टक्के घट झाली आहे. काँग्रेस आणि इतर पक्षांनी केवळ काश्मिरी पंडितांचे सांत्वन केल्याचे गृहमंत्र्यांनी सांगितले. तर पंतप्रधान नरेंद्र मोदी यांनी त्यांच्यासाठी काम केले. आता कवडीमोल भावात घरे विकून पळून गेलेल्या पंडितांना राहण्याची व्यवस्था करण्याचे काम पंतप्रधान करत आहेत.
गृहमंत्र्यांच्या वक्तव्याबाबत १० महत्त्वाच्या गोष्टी आपण सविस्तर बघुयात.
१) अमित शाह म्हणाले, ’१९८० नंतर दहशतवादाचे युग आले जम्मू-काश्मीर मध्ये आणि ते भयानक दृश्य होते. या भूमीवर स्वतःचा देश मानून राहणार्‍या लोकांना हाकलून दिले गेले आणि त्यांची कोणी पर्वा केली नाही, त्यांना थांबवण्याचा प्रयत्नही केला नाही. किंबहुना ते थांबवण्याची जबाबदारी ज्यांच्यावर होती, तेच इंग्लंडमध्ये सुट्टीचा आनंद लुटत होते.
२) गृहमंत्री म्हणाले, ’जेव्हा ते (कश्मिरी पंडित) विस्थापित झाले, तेव्हा त्यांना त्यांच्याच देशात निर्वासित म्हणून जगण्यास भाग पाडले गेले. सुमारे ४६,६३१ कुटुंबे त्यांच्याच देशात विस्थापित झाली. हे विधेयक त्यांना अधिकार देण्यासाठी आहे, हे विधेयक त्यांना प्रतिनिधित्व देण्यासाठी आहे.
३) अमित शाह म्हणाले – सन्मान हा नावाशी निगडित आहे, फक्त तेच लोक ते पाहू शकतात, ज्यांना मागे राहिलेल्यांचे बोट धरून त्यांना सहानुभूतीने पुढे जायचे आहे. ते लोक हे समजू शकत नाहीत, जे त्याचा वापर व्होट बँकेसाठी करतात. नरेंद्र मोदी जी हे असे नेते आहेत, जे गरीब कुटुंबात जन्म घेऊन देशाचे पंतप्रधान झाले आहेत, त्यांना मागासलेल्या आणि गरिबांच्या वेदना माहित आहेत.
४) गृहमंत्री अमित शहा म्हणाले, ’जेव्हा काश्मीरमध्ये दहशतवाद सुरू झाला. त्यांना टार्गेट करून तेथून हाकलणे सुरू झाले. मी अनेकांना अश्रू ढाळताना आणि सांत्वन करताना पाहिले आहे. नरेंद्र मोदी हे एकमेव नेते आहेत ज्यांनी त्यांना मदत करण्याचा प्रयत्न केला. कोट्यवधी रुपयांची मालमत्ता गमावलेल्यांच्या वेदनांची आपण कल्पना करू शकत नाही. त्यांची मालमत्ता कवडीमोल भावाने हिसकावून घेण्यात आली. प्रशासनाने त्यांचे ऐकले नाही.
५) काश्मीरमध्ये कोट्यवधी रुपयांची संपत्ती गमावलेल्या लोकांना त्यांची मालमत्ता पूर्वलक्षीपणे परत मिळवून देण्याचे काम मोदी सरकार करेल, असे गृहमंत्र्यांनी सांगितले.
६) जम्मू आणि काश्मीर आरक्षण (दुरुस्ती) विधेयक २०२३ आणि जम्मू आणि काश्मीर पुनर्रचना विधेयक २०२३ वर केंद्रीय गृहमंत्री अमित शहा म्हणाले, पूर्वी जम्मूमध्ये ३७ जागा होत्या, आता ४३ आहेत. पूर्वी काश्मीरमध्ये ४६ जागा होत्या, आता ४७ जागा आहेत आणि पीओके मध्ये २४ जागा राखीव ठेवण्यात आल्या आहेत. कारण पीओके आमचा आहे.
७) गृहमंत्री म्हणाले- नेहरूंच्या काळात झालेल्या चुकांचा फटका काश्मीरला वर्षानुवर्षे सहन करावा लागला. पहिली आणि सर्वात मोठी चूक – जेव्हा आपले सैन्य जिंकत होते, तेव्हा पंजाब भागात पोहोचताच युद्धविराम लागू करण्यात आला आणि पीओकेचा जन्म झाला. तीन दिवसांनंतर युद्धविराम झाला असता तर आज पीओके भारताचा भाग झाला असता. दुसरा- भारताचा अंतर्गत मुद्दा युएनमध्ये नेण्याची चूक केली.
८) गृहमंत्री शाह म्हणाले, मी येथे आणलेले विधेयक अन्यायकारक, अपमानित आणि दुर्लक्षित झालेल्या लोकांना न्याय आणि हक्क प्रदान करण्याशी संबंधित आहे. कोणत्याही समाजात जे वंचित आहेत त्यांना पुढे आणले पाहिजे, हा भारतीय राज्यघटनेचा मूळ आत्मा आहे. त्यांचा आदर कमी होणार नाही अशा पद्धतीने त्यांना पुढे आणावे लागेल. अधिकार देणे आणि सन्मानपूर्वक अधिकार देणे यात खूप फरक आहे. त्यामुळे त्याला दुर्बल आणि वंचित वर्गाऐवजी इतर मागासवर्ग असे नाव देणे आवश्यक आहे.
९) जम्मू-काश्मीर पुनर्रचना विधेयकाला उत्तर देताना केंद्रीय गृहमंत्री अमित शाह म्हणाले, ’काश्मीर समस्येचे मूळ कोण होते? नेहरू हानिकारक होते असे मी कधीच म्हटले नाही. या विधेयकावर सर्वांनी आपली मते मांडली. दुरुस्ती विधेयकावर ६ तास चर्चा झाली.

• महाराष्ट्र

• २०२३
• अमित शहा
• अमित शहा यांचा घणाघात
• कलम ३७०
• गृहमंत्री अमित शाह यांच्या भाष्यावरून लोकसभेत चर्चेचा विस्फोट
• जम्मू आणि काश्मीर आरक्षण (दुरुस्ती) विधेयक
• जम्मू आणि काश्मीर पुनर्रचना (सुधारणा) विधेयक
• नेहरूंच्या चुकीमुळे पीओके निर्माण झाला: अमित शहा यांचा घणाघात
• पंतप्रधान नरेंद्र मोदी

Short URL : https://vrittabharati.in/?p=58334

Related posts