पेट्रोल-डिझेल कंपनी टँकरचालक संपावर, पेट्रोल-डिझेल खरेदीची मर्यादा

Posted by वृत्तभारती Tuesday, January 2nd, 2024

मुंबई, (०२ जानेवारी) – केंद्र सरकारने आणलेल्या नवीन मोटार वाहन कायद्यानुसार यापुढे अपघातास जबाबदार ट्रकचालकास दहा वर्षांच्या शिक्षेची तरतूद तसेच सात लाख रुपये दंड आकाराला जाणार आहे. या कायद्याला देशभरात विरोध होत असून, ट्रक व टँकरचालकांनी संपाची हाक दिली आहे. हा नवीन कायदा रद्द करा, अशी मागणी करीत बीपीसीएल, एचपीसीएल आणि इंडियन ऑइल या तिन्ही कंपन्यांचे पेट्रोल-डिझेल पुरवठा करणारे टँकरचालक सोमवारपासून तीन दिवसांच्या संपावर गेले आहेत.
पेट्रोल-डिझेल पुरवठा करणार्‍या टँकरचालकांनी तीन दिवसीय संप पुकारला असल्याचे वृत्त रविवारपासून माध्यम आणि समाज माध्यमांवर पाहायला मिळत आहे. त्यामुळे पंप बंद राहण्याच्या भीतीपोटी वाहनधारक पेट्रोल-डिझेल भरण्यासाठी पंपांवर रांगा लावत असल्याचे पाहायला मिळत आहे. छत्रपती संभाजीनगर शहरात मध्यरात्री अशीच काही गर्दी पेट्रोल-पंपावर पाहायला मिळाली. नवीन मोटार वाहन कायद्यानुसार ट्रकमुळे एखादी व्यक्ती जखमी झाल्यास त्याला तत्काळ रुग्णालयात नेले पाहिजे. तसे न केल्यास आणि ट्रकचालक दोषी आढळून आल्यास त्याला सात वर्षांची शिक्षा आणि सात लाख रुपयांच्या दंडाची तरतूद करण्यात आली आहे. भारतात २८ लाखांहून अधिक ट्रक चालक १०० अब्ज किलोमीटरचे अंतर कापतात. या ट्रकवर ५० लाखांहून अधिक लोक काम करतात. अशा परिस्थितीत ट्रकमुळे रस्ते अपघातही सर्रास घडत आहेत. त्यामुळेच सरकारने नवीन कायदा आणला असल्याचे बोलले जात आहे.
विविध राज्यांतील ट्रकचालक आंदोलनात सहभागी
केंद्र सरकारच्या नवीन मोटार वाहन कायद्याबाबत ट्रकचालकांमध्ये नाराजी पाहायला मिळत आहे. या कायद्याला देशभरातील ट्रकचालकांकडून विरोध होत आहे. याचे पडसाद हरयाणा, पंजाबसारख्या राज्यांत अधिक प्रमाणात उमटत आहेत. त्यामुळे विविध राज्यांतील ट्रकचालक आपले ट्रक रस्त्यावर उभे करून निघून जात आहेत. त्याचबरोबर सरकारने या कायद्यात तत्काळ सुधारणा करावी, अशी मागणी केली जात आहे.
वाहनचालकांच्या विरोधामुळे शहरात पेट्रोल-डिझेल खरेदीची मर्यादा
ट्रकचालकांच्या कामगिरीचे दुष्परिणाम देशभर दिसू लागले आहेत. आता चंदीगडमध्ये पेट्रोल आणि डिझेल खरेदीची मर्यादा निश्चित करण्यात आली आहे. यानुसार दुचाकी चालक दोन लिटरपर्यंत तेल खरेदी करू शकतात.
तर चारचाकी वाहन चालकांसाठी ही मर्यादा ५ लिटर आहे. हिट अँड रन प्रकरणात ७ लाख रुपये दंड आणि १० वर्षांच्या तुरुंगवासाच्या शिक्षेच्या तरतुदीबाबत देशभरात वाहनचालकांचा निषेध होत आहे. त्यामुळे देशभरातील पुरवठा साखळीवर वाईट परिणाम झाला आहे. याचा सर्वाधिक परिणाम तेल पुरवठ्यावर झाला असून ठिकठिकाणी पेट्रोल पंपांवर वाहनांच्या लांबच लांब रांगा लागल्या आहेत.
ऑइल टँकर डेपोमध्ये प्रवेश करू शकत नाही
विशेष म्हणजे केंद्र सरकारच्या नव्या कायद्यात ’हिट अँड रन’ प्रकरणात कठोर शिक्षेची तरतूद आहे. या तरतुदीविरोधात ट्रक आणि खासगी बसचालक देशभरात संपावर आहेत. या तीन दिवसीय संपाचा मंगळवारी दुसरा दिवस आहे. या संपाचा संपूर्ण देशावर अत्यंत नकारात्मक परिणाम होत आहे. तत्पूर्वी पंजाब पेट्रोलियम डीलर्स असोसिएशनचे सरचिटणीस राजेश कुमार म्हणाले की, राज्यात सुमारे चार हजार पेट्रोल पंप असून सोमवारपासून सुरू असलेल्या आंदोलनामुळे इंधन पुरवठ्यावर परिणाम झाला आहे. ट्रकचालक आंदोलन करत संपावर गेल्याची बातमी पसरताच लोकांनी पेट्रोल पंपावर गर्दी केली… संपामुळे आम्हाला इंधन पुरवठाही होत नाही. या निषेधाचा एक भाग म्हणून हे चालक, इंधनाचा साठा गोळा करण्यासाठी तेलाच्या टँकरला डेपोत प्रवेश दिला जात नाही.
इतर शहरांमध्येही त्रास
लुधियानामधील पेट्रोल पंपाचे मालक संजीव गर्ग यांनी सांगितले की, जोपर्यंत त्यांचा साठा संपत नाही तोपर्यंत ते इंधनाची विक्री सुरू ठेवतील. गर्ग म्हणाले की, सोमवारपासून त्यांना नवीन इंधनाचा पुरवठा झालेला नाही. एलपीजी एजन्सीच्या कार्यालयातही लोकांच्या लांबच लांब रांगा लागल्या होत्या. गॅस सिलिंडरचा तुटवडा निर्माण होण्याची भीती असल्याने लोकांनी सिलिंडर खरेदी केले. संप दीर्घकाळ सुरू राहिल्यास टंचाई निर्माण होईल, अशी भीती लोकांना वाटते. काही व्यापार्‍यांच्या म्हणण्यानुसार, ट्रक, टेम्पो आणि कंटेनर रस्त्यावर धावत नसल्याने फळे आणि भाजीपाला पुरवठ्यावरही परिणाम होण्याची शक्यता आहे. पेट्रोलियम डीलर्स असोसिएशनचे अध्यक्ष रवींद्र सिंग ढिल्लन म्हणाले की, हरियाणाच्या अंबाला येथील काही पेट्रोल पंपांनी आधीच पेट्रोल आणि डिझेलची कमतरता नोंदवली आहे कारण गेल्या दोन दिवसांत कोणताही नवीन पुरवठा झाला नाही. पुरवठा त्वरित पूर्ववत न केल्यास आम्हाला पेट्रोल पंप बंद करावे लागतील, असे ढिल्लोन म्हणाले. अंबाला शहरातील पेट्रोल पंपाचे मालक राजेश खोसला म्हणाले की, पुरवठा पूर्ववत न झाल्यास संध्याकाळपर्यंत पेट्रोल पंप बंद करावा लागेल.
अशीच स्थिती देशातील विविध शहरांची आहे
ट्रकचालकांच्या संपामुळे इंधनटंचाईच्या भीतीने मंगळवारी मुंबई आणि नागपूरमधील पेट्रोल पंपांवर लांबच लांब रांगा लागल्या होत्या. ट्रकचालकांच्या संपामुळे नागपुरात सोमवारी रात्रीपासून पेट्रोल पंपावर नागरिकांच्या रांगा लागल्या. मात्र, ट्रक चालकांच्या संपाच्या पार्श्वभूमीवर, महाराष्ट्र सरकारने पोलिसांना विनंती केली आहे की बाजारात पेट्रोल, डिझेल आणि एलपीजी सिलिंडरचा अखंड पुरवठा व्हावा. ट्रक चालकांच्या संपामुळे मध्य प्रदेशातील सुमारे पाच लाख वाहनांच्या वाहतुकीवर परिणाम झाल्याचा दावा वाहतूकदारांच्या संघटनेने मंगळवारी केला.

• राष्ट्रीय

• अशीच स्थिती देशातील विविध शहरांची आहे
• इतर शहरांमध्येही त्रास
• ऑइल टँकर डेपोमध्ये प्रवेश करू शकत नाही
• पेट्रोल-डिझेल कंपनी टँकरचालक संपावर
• पेट्रोल-डिझेल खरेदीची मर्यादा
• वाहनचालकांच्या विरोधामुळे शहरात पेट्रोल-डिझेल खरेदीची मर्यादा
• विविध राज्यांतील ट्रकचालक आंदोलनात सहभागी

Short URL : https://vrittabharati.in/?p=59201

Related posts