कर्नाटकातील ज्येष्ठ नेते जगदीश शेट्टर भाजपमध्ये परतले

Posted by वृत्तभारती Friday, January 26th, 2024

– येडियुरप्पा आणि भाजपा प्रदेशध्यक्ष बीवाय विजयेंद्र यांच्या उपस्थितीत शेट्टर यांची भाजपामध्ये घरवापसी,
– केंद्रीय गृहमंत्री आणि पक्षाचे ज्येष्ठ नेते अमित शहा यांची भेट घेतली,
बेंगळुरू, (२५ जानेवारी) – आगामी लोकसभा निवडणुकीपूर्वी काँग्रेस पक्षाला मोठा धक्का बसला आहे. कर्नाटक विधानसभा निवडणुकीपूर्वी काँग्रेसमध्ये दाखल झालेले जगदीश शेट्टर पुन्हा भाजपमध्ये ’घरवापसी’ केली आहे.
दिल्लीतील भाजपा मुख्यालयात माजी मुख्यमंत्री-वरिष्ठ पक्ष नेते बीएस येडियुरप्पा आणि प्रदेश भाजपा अध्यक्ष बीवाय विजयेंद्र यांच्या उपस्थितीत जगदीश शेट्टर यांनी भाजपामध्ये पुन्हा प्रवेश केला. गेल्या वर्षी एप्रिलमध्ये त्यांनी भाजप सोडून काँग्रेसमध्ये प्रवेश केला. वृत्तसंस्था एएनआयशी बोलताना कर्नाटकच्या माजी मुख्यमंत्र्यांनी सांगितले की त्यांनी केंद्रीय गृहमंत्री आणि पक्षाचे ज्येष्ठ नेते अमित शहा यांची भेट घेतली आहे.
शेट्टर यांचा विधानसभा निवडणुकीत पराभव झाला होता
गेल्या वर्षी एप्रिलमध्ये त्यांनी भाजपा सोडून काँग्रेसमध्ये प्रवेश केला होता. कर्नाटक विधानसभा निवडणुकीत काँग्रेसने त्यांना हुबळी-धारवाडमधून तिकीट दिले होते, मात्र त्यांचा पराभव झाला. यानंतर पक्षाने त्यांना आमदार केले.
कोण आहेत जगदीश शेट्टर
जगदीश शेट्टर हे माजी मुख्यमंत्री बीएस येडियुरप्पा यांच्यासह कर्नाटकातील प्रमुख लिंगायत नेते आहेत. शेट्टर यांचा जन्म कर्नाटकातील केरूर येथे झाला. १९८० च्या दशकात त्यांनी जनता पक्षातून राजकीय प्रवासाला सुरुवात केली. त्यानंतर १९९४ मध्ये त्यांनी भाजपामध्ये प्रवेश केला. २०१२ ते २०१३ दरम्यान सहा वेळा भाजपाचे आमदार असलेले कर्नाटकचे मुख्यमंत्री होते.

• राज्य

• अमित शहा
• कर्नाटक
• कर्नाटक विधानसभा निवडणुक
• कर्नाटकातील ज्येष्ठ नेते जगदीश शेट्टर भाजपमध्ये परतले
• बीवाय विजयेंद्र
• माजी मुख्यमंत्री बीएस येडियुरप्पा
• माजी मुख्यमंत्री-वरिष्ठ पक्ष नेते बीएस येडियुरप्पा
• वरिष्ठनेते येडियुरप्पा आणि प्रदेश भाजपाध्यक्ष बीवाय विजयेंद्र यांच्या उपस्थितीत जगदीश शेट्टर यांची भाजपामध्ये घरवापसी
• हुबळी-धारवाड

Short URL : https://vrittabharati.in/?p=60004

Related posts