’जय अनुसंधान’ हे भारताला स्वावलंबी बनवण्याचे महत्त्वाचे तत्व

Posted by वृत्तभारती Thursday, December 14th, 2023

– डॉ मनसुख मांडविया यांचे प्रतिपादन,
नवी दिल्ली, (१४ डिसेंबर) – केंद्रीय आरोग्य मंत्री डॉ.मनसुख मांडविया म्हणाले की, केंद्र सरकार देशाच्या आरोग्य क्षेत्राचा संपूर्ण विकास करून स्वावलंबी करण्यासाठी प्रयत्नशील आहे. जय जवान, जय किसान, जय विज्ञान, जय अनुसंधान या घोषणेसह संशोधन आणि नवनवीन संशोधनामुळे मजबूत आरोग्य संशोधन परिसंस्था निर्माण होईल. भारताला स्वावलंबी बनवण्याच्या दृष्टीने ’जय अनुसंधन’ हे अत्यंत महत्त्वाचे तत्व आहे.
भारतीय वैद्यकीय संशोधन परिषद, राष्ट्रीय मलेरिया संशोधन संस्था येथे पाच नवीन सुविधांचे उद्घाटन करताना केंद्रीय आरोग्य मंत्री डॉ. मनसुख मांडविया गुरुवारी उपस्थितांना संबोधित करत होते. या सुविधांमध्ये चाचणी संशोधन प्रयोगशाळा, एक इनोव्हेशन कॉम्प्लेक्स, कॉन्फरन्स हॉल कॉम्प्लेक्स आणि ३०० आसनांचे सभागृह समाविष्ट आहे. यावेळी केंद्रीय आरोग्य राज्यमंत्री एस.पी.बघेल, डॉ.भारती प्रवीण पवार यांचीही उपस्थिती होती.
यावेळी जय अनुषंधन चे महत्व अधोरेखित करताना डॉ. मनसुख मांडविया म्हणाले की, कोरोनाच्या काळात भारताला लस मिळण्यासाठी अनेक महिने लागले असते, परंतु आम्ही देशात केवळ लस विकसित केली नाही तर जगातील ११० देशांमध्ये विकसित केले. देशांना कमी किमतीत सर्वोत्तम दर्जाची लस दिली. त्याचप्रमाणे हायड्रॉक्सी-युरियासारख्या दुर्मिळ आजारांसाठी १४-१५ औषधे आहेत, ज्यासाठी पूर्वी हजारो रुपये मोजावे लागत होते. आज ही औषधे भारतात बनवली जातात आणि त्यांची किंमत पूर्वीपेक्षा खूपच कमी आहे.
डॉ. मांडविया म्हणाले की, आरोग्य हे अतिशय गतिमान क्षेत्र आहे, जिथे रोज नवनवीन संशोधन, घडामोडी आणि नवनवीन शोध घडत असतात. आज आपण देशसेवेत ज्या सुविधांचा शुभारंभ करत आहोत, त्यावरून भारत जगाशी ताळमेळ ठेवण्यास सज्ज असल्याचे दिसून येते. भारतीय वैद्यकीय संशोधन परिषद सारख्या संस्था आज अधिकाधिक मजबूत होत आहेत आणि त्यांच्या कार्याच्या जोरावर संपूर्ण जगात एक वेगळे स्थान प्राप्त करत आहेत.

• राष्ट्रीय

• ’जय अनुसंधान’
• ’जय अनुसंधान’ हे भारताला स्वावलंबी बनवण्याचे महत्त्वाचे तत्व
• केंद्र सरकार
• केंद्रीय आरोग्य मंत्री डॉ.मनसुख मांडविया
• केंद्रीय आरोग्य राज्यमंत्री एस.पी.बघेल
• जय किसान
• जय जवान
• जय विज्ञान

Short URL : https://vrittabharati.in/?p=58555

Related posts