किमान तापमान : 30.4° C
कमाल तापमान : 31.46° C
तापमान विवरण : scattered clouds
आद्रता : 64 %
वायू वेग : 4.31 Mps
स्थळ : Mumbai, IN
31.46° C
28.6°C - 31.99°C
few clouds28.15°C - 30.49°C
sky is clear28°C - 30.33°C
sky is clear27.64°C - 29.82°C
sky is clear27.9°C - 30.46°C
sky is clear28.28°C - 30.44°C
broken clouds– गुजरातचे शिक्षण राज्यमंत्री प्रफुल्ल पानसेरिया यांची घोषणा,
अहमदाबाद, (२२ डिसेंबर) – गुजरात सरकारने शुक्रवारी ’भगवद्गीता’ या विषयावरील पुरवणी पाठ्यपुस्तक प्रकाशित केले जे पुढील शैक्षणिक वर्षापासून सहावी ते आठवीच्या अभ्यासक्रमात समाविष्ट केले जाईल.
विद्यार्थ्यांना भारतातील समृद्ध, वैविध्यपूर्ण आणि प्राचीन संस्कृती आणि ज्ञान प्रणालीशी जोडणे हा या उपक्रमाचा उद्देश असल्याचे राज्याचे शिक्षण राज्यमंत्री प्रफुल्ल पानसेरिया यांनी सांगितले. केंद्राने तीन वर्षांपूर्वी तयार केलेल्या नवीन राष्ट्रीय शैक्षणिक धोरणाच्या (एनईपी) आराखड्यानुसार हा निर्णय घेण्यात आल्याचे पानसेरिया यांनी सांगितले.
त्यांनी ’एक्स’ वरील पोस्टमध्ये म्हटले आहे की, राज्याच्या शिक्षण विभागाने एनईपी-२०२० अंतर्गत इयत्ता सहावी ते आठवीच्या अभ्यासक्रमात पूरक पाठ्यपुस्तक म्हणून श्रीमद्भगवद्गीतेतील आध्यात्मिक तत्त्वे आणि मूल्ये समाविष्ट करण्याचा निर्णय घेतला आहे. या निर्णयाबद्दल मुख्यमंत्री भूपेंद्र पटेल यांचे आभार मानून ते म्हणाले, या शैक्षणिक निर्णयामुळे विद्यार्थ्यांना अभिमान वाटेल आणि ’श्रीमद्भगवद्गीता’ शिकवून भारताच्या समृद्ध, वैविध्यपूर्ण, प्राचीन संस्कृती आणि ज्ञान प्रणाली आणि परंपरांशी जोडले जातील.
महाभारताचा भाग असलेल्या या आदरणीय ग्रंथावरील पूरक पाठ्यपुस्तक विद्यार्थ्यांमध्ये नैतिक मूल्ये रुजवेल, असे ते म्हणाले. पानसेरिया म्हणाले, माननीय पंतप्रधान नरेंद्र मोदी यांच्या मार्गदर्शनाखाली ’राष्ट्रीय शैक्षणिक धोरण २०२०’ अंतर्गत घेतलेला हा निर्णय विद्यार्थ्यांमधील मूल्ये वाढविण्यात महत्त्वाची भूमिका बजावेल. त्यानंतर पत्रकारांशी बोलताना पानसेरिया म्हणाले की, हा पाठ्यपुस्तकाचा पहिला भाग आहे जो इयत्ता ६ वी ते ८ वी च्या विद्यार्थ्यांसाठी आहे आणि तो लवकरच राज्यभरातील शाळांमध्ये पाठवला जाईल. ९वी ते १२वीच्या विद्यार्थ्यांसाठी आणखी दोन भाग लवकरच उपलब्ध करून दिले जातील, असे मंत्री म्हणाले.