सत्येंद्र जैन यांच्याविरोधात सीबीआय चौकशीचे आदेश

Posted by वृत्तभारती Sunday, March 3rd, 2024

– दिल्ली एलजीने केली कारवाई,
नवी दिल्ली, (०२ मार्च) – दिल्लीचे नायब राज्यपाल विनय कुमार सक्सेना यांनी दिल्ली सरकारमध्ये मंत्री असलेले सत्येंद्र जैन यांच्याविरोधात सीबीआय चौकशीचे आदेश दिले आहेत. तिहार तुरुंगात बंदिस्त गुंड मुकेश चंद्रशेखर याच्याकडून खंडणी उकळल्याप्रकरणी तत्कालीन तुरुंगमंत्री जैन यांच्याविरुद्ध तपास करण्याचे आदेश उपराज्यपालांनी दिले आहेत. सुकेश चंद्रशेखर यांनी आरोप केला होता की, तिहार तुरुंगाचे तत्कालीन महासंचालक आणि गृह विभाग हाताळणारे सत्येंद्र जैन यांनी संरक्षण मनी म्हणून त्यांच्याकडून १० कोटी रुपये घेतले होते. सुकेश यांनी यासंदर्भात दिल्लीच्या उपराज्यपालांना पत्र लिहिले होते. यानंतर एलजीने दिल्लीचे माजी मंत्री आणि आप नेते सत्येंद्र जैन यांच्याविरोधात सीबीआय तपासाला मंजुरी दिली आहे.
सत्येंद्र जैन यांच्यावर तिहार तुरुंगाचे माजी डीजी संदीप गोयल यांच्या सहकार्याने तिहार तुरुंगातून खंडणीचे रॅकेट चालवल्याचा आणि दिल्लीच्या विविध तुरुंगातील हायप्रोफाइल कैद्यांकडून संरक्षण पैशाची मागणी केल्याचा आरोप आहे. सुकेश चंद्रशेखर यांनी गेल्या वर्षी १३ ऑक्टोबर रोजी दिल्लीच्या एलजीला पाठवलेल्या पत्राद्वारे दावा केला होता की, ’मी तुरुंगातील एकाही अधिकार्‍याला एक रुपयाही दिलेला नाही. माझे व्यवहार फक्त सत्येंद्र जैन (आप नेते) आणि संदीप गोयल (माजी डीजी जेल) यांच्याशी होते, ज्यांनी माझ्या कर्मचार्‍यांमार्फत माझ्याकडून संरक्षण रक्कम घेतली होती.
तथापि, ६ एप्रिल रोजी आपल्या चौथ्या पुरवणी आरोपपत्रात चंद्रशेखरच्या विधानाचा हवाला देऊन ईडीने सांगितले की ते तुरुंग अधिकार्‍यांना सहाय्यक अधीक्षकांसाठी २५ लाख रुपयांपासून ते शीर्ष स्तरावरील २ कोटी रुपयांपर्यंत मासिक सुरक्षा रक्कम देत आहे.
एलजीला लिहिलेल्या पत्रातील चंद्रशेखर यांनी केलेल्या दाव्यांमुळे तपासकर्ते आश्चर्यचकित झाले. त्यांनी दावा केला की ’माजी डीजी संदीप गोयल यांनी तपासावर प्रभाव टाकला आणि त्यांचे नाव तपासातून काढून टाकले आणि प्रकरण तुरुंगातील कनिष्ठ अधिकार्‍यांकडे वर्ग केले. संदीप गोयल हे त्यावेळी उच्चपदस्थ अधिकारी असल्याने त्यांची आणि सत्येंद्र जैन यांची नावे कोणत्याही प्रकारे तपासात समाविष्ट होणार नाहीत याची काळजी घेतली.

• राज्य

• दिल्ली एलजीने केली कारवाई
• दिल्लीचे नायब राज्यपाल विनय कुमार सक्सेना
• सत्येंद्र जैन
• सत्येंद्र जैन यांच्याविरोधात सीबीआय चौकशीचे आदेश
• सीबीआय

Short URL : https://vrittabharati.in/?p=60501

Related posts