व्यंकय्या नायडू, वैजयंतीमाला, मिथुन चक्रवर्ती, चिरंजीवी, राम नाईक, पद्मा सुब्रमण्यम् यांना पद्म पुरस्कार

Posted by वृत्तभारती Friday, January 26th, 2024

– १३२ पद्म पुरस्कार जाहीर, पाच पद्मविभूषण, १७ पद्मभूषण तर ११० पद्मश्री,
नवी दिल्ली, (२६ जानेवारी) – देशाच्या सर्वोच्च नागरी पुरस्कारांपैकी एक पद्म पुरस्कार पद्मविभूषण, पद्मभूषण आणि पद्मश्री या तीन श्रेणींमध्ये प्रदान केले जातात. कला, सामाजिक कार्य, विज्ञान आणि अभियांत्रिकी, व्यापार आणि उद्योग, वैद्यक, साहित्य आणि शिक्षण, क्रीडा, नागरी सेवा इत्यादी विविध शाखा/कार्यक्रमांमध्ये हे पुरस्कार दिले जातात. असामान्य आणि विशिष्ट सेवेसाठी ‘पद्मविभूषण’ दिला जातो; उच्च श्रेणीतील विशिष्ट सेवेसाठी ‘पद्मभूषण’ आणि कोणत्याही क्षेत्रातील विशिष्ट सेवेसाठी ‘पद्मश्री’ पुरस्कार देऊन गौरविण्यात येते. दरवर्षी प्रजासत्ताक दिनाच्या निमित्ताने या पुरस्कारांची घोषणा केली जाते.
हे पुरस्कार राष्ट्रपतींच्या हस्ते दरवर्षी मार्च/एप्रिलच्या सुमारास राष्ट्रपती भवनात आयोजित समारंभात प्रदान केले जातात. वर्ष २०२४ साठी, राष्ट्रपतींनी खालील यादीनुसार २ विभागून पुस्कारांसह (एक पुरस्कार गणला जातो) १३२ पद्म पुरस्कार प्रदान करायला मान्यता दिली आहे. या यादीत ५ पद्मविभूषण, १७ पद्मभूषण आणि ११० पद्मश्री पुरस्कारांचा समावेश आहे. पुरस्कार विजेत्यांमध्ये ३० महिला आहेत आणि या यादीत परदेशी/छठख/झखज/जउख या श्रेणीतील ८ व्यक्ती आणि ९ मरणोत्तर पुरस्कारप्राप्त व्यक्तींचाही समावेश आहे.
माजी उपराष्ट्रपती एम व्यंकय्या नायडू, अभिनेत्री वैजयंतीमाला बाली, अभिनेता कोनिडेला चिरंजीवी आणि प्रसिद्ध भरतनाट्यम नृत्यांगना पद्मा सुब्रमण्यम् यांना पद्मविभूषण पुरस्कार जाहीर करण्यात आला आहे. तसेच प्रसिद्ध सामाजिक कार्यकर्ते बिंदेश्वर पाठक यांना मरणोत्तर पद्मविभूषण पुरस्कार जाहीर झाला आहे. तर ज्येष्ठ अभिनेते मिथुन चक्रवर्ती यांना पद्मभूषण पुरस्कार जाहीर करण्यात आला आहे. तसेच गायिका उषा उत्थुप, तमिळ अभिनेता विजयकांत(मरणोत्तर), प्रसिद्ध उद्योजक सीताराम जिंदल आणि संगीतकार प्यारेलाल शर्मा, फातिमा बिवी यानाही पद्मभूषण पुरस्कार जाहीर झाला आहे.
पद्मभूषण पुरस्कार विजेत्यांमधे महाराष्ट्रातील सहा मान्यवरांचा समावेश आहे. यात, सुप्रसिद्ध दिग्दर्शक राजदत्त उर्फ दत्तात्रय अंबादास मायाळू, ज्येष्ठ नेते आणि उत्तर प्रदेशचे माजी राज्यपाल राम नाईक, संगीतकार प्यारेलाल, हृदयरोग तज्ञ आश्विन मेहता, जन्मभूमी वृत्तपत्र समूहाचे मुख्य संपादक, कुंदन व्यास, जेष्ठ पत्रकार होर्मुसजी एन कामा यांचा समावेश आहे.
विविध क्षेत्रात अमूल्य योगदान देणार्‍या महाराष्ट्रातील एकूण ६ जणांना पद्मश्री पुरस्कार जाहीर झाला आहे. वैद्यकीय क्षेत्रात दिलेल्या उल्लेखनीय योगदानासाठी डॉ.मनोहर कृष्णा डोळे यांना पद्मश्री पुरस्कार जाहीर झाला आहे. डॉ. मनोहर डोळे यांनी गेल्या अनेक वर्षांपासून नेत्रसेवेमध्ये उल्लेखनीय कार्य केले आहे.नेत्र तपासणी शिबिरांच्या माध्यमातून त्यांनी विनामूल्य नेत्रसेवा देत अमूल्य योगदान दिले आहे. साहित्य आणि शिक्षण क्षेत्रातील योगदानासाठी झहीर काझी यांना पद्मश्री पुरस्कार जाहीर झाला आहे. वैद्यकीय क्षेत्रातील उल्लेखनीय योगदानासाठी मेंदू रोग तज्ञ डॉ.चंद्रशेखर महादेवराव मेश्राम यांना पद्मश्री पुरस्कार जाहीर झाला आहे. वर्ल्ड फेडरेशन ऑफ न्यूरॉलॉजीचे विश्वस्त म्हणूनही त्यांनी काम पाहिले आहे. व्यावसायाने बँकर असलेल्या कल्पना मोरपारिया यांना व्यापार आणि उद्योग क्षेत्रात दिलेल्या अमूल्य योगदानाबद्दल पद्मश्री पुरस्कार जाहीर झाला आहे. कल्पना यांनी अनेक कंपन्यांच्या संचालक मंडळावर तसेच भारत सरकारच्या अनेक समित्यांवर देखील त्यांनी काम केले आहे.
बालगृहाच्या माध्यमातून दिव्यांग आणि अनाथ मुलांचे आधारवड असलेले समाजकार्य करणारे ज्येष्ठ समाजसेवक शंकर बाबा पुंडलीकराव पापळकर यांना सामाजिक कार्यासाठी दिलेल्या अमूल्य योगदानाबद्दल पद्मश्री पुरस्कार जाहीर झाला आहे. पापळकर अनेक बालकांच्या जीवनाला आधार देत योग्य दिशा देण्याचे महत्वाचे कार्य केले आहे.
क्रीडा क्षेत्रात आंतरराष्ट्रीय मल्लखांब प्रशिक्षक उदय देशपांडे यांना पद्मश्री पुरस्कार जाहीर झाला असून . जागतिक स्तरावर या खेळाला लोकप्रिय करण्यासाठी आणि अनेक मल्लखांपटू घडवण्यासाठी उदय देशपांडे यांनी अथक परिश्रम घेत मोठे योगदान दिले आहे .
५० देशांतील ५,००० हून अधिक लोकांना वैयक्तिकरित्या प्रशिक्षित करून महिला, दिव्यांगजन, अनाथ, आदिवासी आणि ज्येष्ठ नागरिकांसह विविध गटांना त्यांनी मल्लखांबची ओळख करून दिली.
गोव्यातले संजय अनंत पाटील यांना कृषी क्षेत्रातील उल्लेखनीय योगदानाबद्दल पद्मश्री पुरस्कार जाहीर झाला आहे.नैसर्गिक शेतीची कास धरत त्यांनी शेतीमध्ये परिवर्तन घडवून आणले आहे.

• राष्ट्रीय

• १३२ पद्म पुरस्कार जाहीर
• १७ पद्मभूषण तर ११० पद्मश्री
• आंतरराष्ट्रीय मल्लखांब प्रशिक्षक उदय देशपांडे
• कुंदन व्यास
• चिरंजीवी
• जन्मभूमी वृत्तपत्र समूहाचे मुख्य संपादक
• जेष्ठ पत्रकार होर्मुसजी एन कामा
• ज्येष्ठ अभिनेते मिथुन चक्रवर्ती
• ज्येष्ठ नेते आणि उत्तर प्रदेशचे माजी राज्यपाल राम नाईक
• ज्येष्ठ समाजसेवक शंकर बाबा पुंडलीकराव पापळकर
• डॉ.चंद्रशेखर महादेवराव मेश्राम
• डॉ.मनोहर कृष्णा डोळे
• देशाच्या सर्वोच्च नागरी पुरस्कारांपैकी एक पद्म पुरस्कार पद्मविभूषण
• पद्मभूषण
• पद्मभूषण आणि पद्मश्री
• पद्मविभूषण
• पद्मश्री
• पद्मा सुब्रमण्यम्
• पाच पद्मविभूषण
• प्रजासत्ताक दिन
• मिथुन चक्रवर्ती
• राम नाईक
• राष्ट्रपती भवन
• वैजयंतीमाला
• व्यंकय्या नायडू
• व्यंकय्या नायडू वैजयंतीमाला मिथुन चक्रवर्ती चिरंजीवी राम नाईक पद्मा सुब्रमण्यम् यांना पद्म पुरस्कार
• संगीतकार प्यारेलाल
• सुप्रसिद्ध दिग्दर्शक राजदत्त उर्फ दत्तात्रय अंबादास मायाळू
• हृदयरोग तज्ञ आश्विन मेहता

Short URL : https://vrittabharati.in/?p=60014

Related posts