केसीआर कुटुंबाला राजकीय फायदा देत आहेत : मोदी

Posted by वृत्तभारती Sunday, November 26th, 2023

– तेलंगणामध्ये ३० नोव्हेंबरला मतदान,
हैद्राबाद, (२६ नोव्हेंबर) – तेलंगणामध्ये ३० नोव्हेंबरला मतदान होणार आहे. भाजप सातत्याने निवडणूक रॅली काढत आहे. आज पंतप्रधान मोदींनी मेडक जिल्ह्यात निवडणूक रॅलीला संबोधित केले. पीएम मोदींनी भारत राष्ट्र समिती नेते केसीआर यांच्यावर जोरदार निशाणा साधला आहे. केसीआर कुटुंबाला राजकीय फायदा देत असल्याचा आरोप पीएम मोदींनी केला आहे.
ते म्हणाले, केसीआर यांनी कोणतेही आश्वासन पाळले नाही. केसीआर यांनी फार्म हाऊसमधून पक्ष चालवला आहे. यावेळी पंतप्रधान मोदींनी काँग्रेसवर निशाणा साधला. ते म्हणाले की, तेलंगणातील जनतेने काँग्रेस आणि केसीआरपासून सावध राहावे. ’काँग्रेस-केसीआर समान आहेत, दोघांपासून सावधान’ असा नारा त्यांनी दिला. पीएम मोदींनी दोन्ही पक्षांना घेरले आणि एका आजारावर उपचार हा दुसर्‍या आजारावर इलाज होऊ शकत नाही, असे म्हटले. तेलंगणातील जनतेचे भले भाजपच करू शकते. काँग्रेस आणि केसीआर यांच्या राजवटीत केवळ कुटुंबेच फोफावत आहेत. त्यांनी गरीब, एससी, एसटी, ओबीसी यांच्या नावावर मते मागितली आणि सत्तेचा फायदा दुसर्‍याला मिळाला.
तेलंगणाला पहिला ओबीसी मुख्यमंत्री भाजपच देईल, असेही पंतप्रधान मोदी म्हणाले. काँग्रेसने देशात सुलतानशाहीचा तर केसीआरने निजामशाहीचा पुरस्कार केला. बोफोर्स ते हेलिकॉप्टर घोटाळ्यापर्यंत काँग्रेसचा हात आहे. केसीआर यांनीही आपले आमदार ३० टक्के कमिशन घेतात हे मान्य केले आहे. केसीआर यांच्या कुटुंबीयांवर भ्रष्टाचाराचे आरोप आहेत. मुंबई दहशतवादी हल्ल्याचे स्मरण करताना ते म्हणाले, आज २६/११ रोजी देश एका मोठ्या दहशतवादी हल्ल्याचा बळी ठरला. या हल्ल्यात आपण अनेक निष्पाप देशवासीयांना गमावले. २६/११चा हा दिवस आपल्याला याचीही आठवण करून देतो की, किती मोठी घटना आहे. देशाचे नुकसान झाले आहे आणि कमकुवत सरकार देशाचे काय करू शकतात. ते पुढे म्हणाले, २०१४ मध्ये तुम्ही कमकुवत काँग्रेसचे सरकार बदलून भाजपचे मजबूत सरकार बनवले, त्यामुळेच आज देशातून दहशतवाद संपवला जात आहे.

• राज्य

• केसीआर
• केसीआर कुटुंबाला राजकीय फायदा देत आहेत : मोदी
• तेलंगणा
• तेलंगणातील जनतेने काँग्रेस आणि केसीआरपासून सावध राहावे
• तेलंगणामध्ये ३० नोव्हेंबरला मतदान
• निवडणूक रॅली
• पंतप्रधान मोदी
• भारत राष्ट्र समिती
• भारत राष्ट्र समिती नेते केसीआर

Short URL : https://vrittabharati.in/?p=58047

Related posts