Home » आंतरराष्ट्रीय, आशिया, छायादालन, ठळक बातम्या » जपानमध्ये डॉ आंबेडकरांच्या पुतळ्याचे मुख्यमंत्र्यांच्या हस्ते अनावरण

जपानमध्ये डॉ आंबेडकरांच्या पुतळ्याचे मुख्यमंत्र्यांच्या हस्ते अनावरण

मुंबई, [१० सप्टेंबर] – जपानच्या कोयासन विद्यापीठात भारतरत्न डॉ. बाबासाहेब आंबेडकर यांच्या पूर्णाकृती पुतळ्याचे आज मुख्यमंत्री देवेंद्र फडणवीस यांच्या हस्ते अनावरण झाले. वाकायामाचे गव्हर्नर योशिनोबू निसाका, राज्याचे उद्योगमंत्री सुभाष देसाई, खा. रामदास आठवले, खा. अमर साबळे आणि माजी राज्यमंत्री सुलेखा कुंभारे यावेळी प्रामुख्याने उपस्थित होत्या.
आज सकाळपासूनच कोयासन विद्यापीठाचा परिसर या कार्यक्रमासाठी गजबजून गेला होता. मुख्यमंत्र्यांसह आलेल्या सर्व पाहुण्यांचे उत्साहात स्वागत करण्यात आले. महाराष्ट्रीयन संस्कृतीचा परिचय म्हणून सर्व पाहुण्यांना फेटे बांधण्यात आले. जपानी नेत्यांनीही यावेळी फेटे बांधले होते. विद्यापीठातील विद्यार्थ्यांची मोठ्या संख्येने उपस्थिती होती. संपूर्ण वातावरण भारावलेले होते. डॉ. बाबासाहेब आंबेडकर आणि बुद्धिझम् यावर एका सांस्कृतिक कार्यक्रमाचे आयोजन एमडीडीसीच्या वतीने करण्यात आले होते. यात पोवाडे, लेझिम नृत्याचा समावेश होता. येणार्‍या प्रत्येक पाहुण्याचे तुतारी वाजवून स्वागत करण्यात येत होते.
यावेळी बोलताना मुख्यमंत्री देवेंद्र फडणवीस म्हणाले, हा एक योगायोग म्हटला पाहिजे की, कोयासन आपल्या स्थापनेचे १२०० वर्ष साजरे करीत आहे आणि अवघे जग विशेषत: भारत, डॉ. बाबासाहेब आंबेडकर यांचे १२५ वे जयंतीवर्ष साजरे करीत आहे. आजच्या या ऐतिहासिक क्षणाबद्दल वाकायामाचे गव्हर्नर निसाका आणि त्यांच्या चमूचे आपण अतिशय आभारी आहोत. त्यांचा निश्‍चयी पाठिंबा नसता, तर आज येथे हा पुतळा उभारता आला नसता. येथील मंदिर व्यवस्थापन आणि कोयासन विद्यापीठाचाही मी अतिशय ऋणी आहे. त्यांनी हा पुतळा येथे उभारण्याची परवानगी दिली. हा पुतळा ही महाराष्ट्र आणि भारताच्या जनतेकडून, कोयासन आणि जपानच्या नागरिकांना एक अमूल्य भेट आहे. डॉ. बाबासाहेब आंबेडकर हे एक प्रख्यात विधिज्ञ, नेते आणि समाजसुधारक होते. जगातील आघाडीच्या बुद्धिस्ट नेत्यांपैकी ते एक. बुद्ध धम्माचे तत्त्व आणि शिकवण ते आयुष्यभर जगले आणि त्यातून अनेकांचे आयुष्यही त्यांनी समृद्ध केले.
याच कार्यक्रमाला जोडून डॉ. बाबासाहेब आंबेडकर मराठवाडा विद्यापीठ आणि कोयासन विद्यापीठ यांच्यात एका सामंजस्य करारावरही स्वाक्षरी करण्यात आली. या दोन्ही विद्यापीठांचे कुलगुरू यावेळी उपस्थित होते. या दोन्ही विद्यापीठांमध्ये संबंध अधिक वृद्धिंगत करण्यावर या करारातून भर देण्यात आला आहे. त्यापूर्वी काही बुद्धस्थळांना मुख्यमंत्र्यांनी भेटी दिल्या आणि बौद्ध भिक्खूंसोबत प्रार्थनाही केली.

Short URL: https://vrittabharati.in/?p=23755

Posted by on Sep 11 2015. Filed under आंतरराष्ट्रीय, आशिया, छायादालन, ठळक बातम्या. You can follow any responses to this entry through the RSS 2.0. You can leave a response or trackback to this entry

Leave a Reply

Change Language: press Ctrl+g

Photo Gallery

हवामान

एका नजरेत

FEATURED VIDEOS

ARCHIVES

Search by Date
Search by Category
Search with Google
More in आंतरराष्ट्रीय, आशिया, छायादालन, ठळक बातम्या (1499 of 2483 articles)


=हवामान खात्याचा अंदाज= मुंबई, [१० सप्टेंबर] - राज्यात गेल्या काही दिवसापांसून पावसाने दांडी मारल्यामुळे दुष्काळ पडला आहे. मात्र येत्या चार ...

×